PRESS RELEASE

NO.51/2022

SIAHA, 6 Chhiepa, 2022, Hriatuanoh - Atanoh kha Amôtlâh biatuhpa MDC Puhpa Lalmalsawma Zasai, Dy. CEM, MADC ta 12th Term MADC General Election hnei khai tawhta ei 2 nawpa ta alynabie rei awpa ta Amôtlâh, Thiahra nata Riasika zy a tly.

Khito liata khitlâh ta dyna gate pha kawpa taopa ta arônah kawpa ta vaw dy chyu ei ta, khitlâh ta alyna kyhchhi amâ vaw chhuanoh chyu hleikhô ta mo pakha chhao ta amâ vaw chhuanoh hra.

Puhpa Lalmalsawma chata khito liata Public Meeting amâ vaw chhuanohpa liata biereina hnei ta, ary liata palâsapazy he a bierei tlâhpi viapazy a châ:-

1. Atanoh liata ei bia lâ ei vyna chhâpa he alynabie rei awpa a châ; ahmiatua chaita Abeipa lâ alynabie reih na ta, atanoh liata Siaha tawhta nâ vaw zi tuhpa officials, party nôpawpazy nata chhôhkha lâ tawhta nâ vaw zipazy hleikhô ta bia zawpi, public meeting liata avaw pua theipazy hnoh ta alynabie ei reih.

2. Atanoh liata he hawhpa duasu liata nâ padua tuhpa Khazohpa nata ei bia zawpizy hnoh ta alynabie reih na ta, kyhpachâna chôta vote sôh kawpa nâ pie tuhpa Amôtlâh bia zawpi zydua hnoh ta, palôh hmeiseihpa ta alynabie ei reih.

3. Election daihti chhôh ta ei bia liata party hawhta palôh eimâ pasapazy a y khiah pachâthaina a hawpi ta, tahmâ cha Election vaw chhâ ha ta, areipachhiena y khao leipa sa la, Party zy pachhô khaipa ta adeichhy raihrie si la tahpa bia zawpi cha hrua ei na ta, palôh miakha phaopa ta lôraoh kawpa ta keih chakâkhoh lymâ awpa he ei kho chaipa a châ.

4. Dy. CEM dyuchhai rônahpa miah pietuhpa he Khazohpa châ ta, he hmo rônah kawpa miah taopa tuhpa cha Abeipa châ; he zydua he Abeipa ta Amôtlâh bia nohâh a tao khoh vâta a châ tahpa my leipa ta Abeipa lâ alynabie reih chyu suh vy.

5. Ei portfolio Education Deptt. he zôpha kawpa ta hria achhuah aw na ta, Eima râh Education taopathi byuhpa liata taopathi achhuah aw pi ta, Building & Infrastructure liata hmahpasiesa via awpa ta hma la ei chhuah hra.

6. Eima râh Education hmah pasiesa lymâ awpa ta Awnanopa, NGO & VC zy nahta hriaparaoh lymâ awpa khona ei hnei; abyuhna nata ângiahna hawhta eina deichhy lymâ awpa ei chi ta ei châ haw ei.

7. Mo to ta sawhkhâ rai a pie thei leipa aw pi ta, khi to, vaih to ta development rai hria khai thei hra aw ma pi; Khazohpa lâ thlahchhâ si la, Abeipa ta eima rai awpazy cha tlao maniah a pie awpa a châ; Abeipa liata thlahchhâ tiama chyu awpa ta eimâ pasyu.

8. 12th Term MADC he apha kawpa ta a sie thei nawpa ta bia zawpi nata Awnanozy ta thlahchhâ miah bao lymâ awpa ta ei châ haw ei.

Puhpa Lalmalsawma he official lâ tawhta Puhpa John VT. Hniehu, AEO, Puhpa Beirokhu Beita, I & PO Puhpa T. Pabua, Cameraman zy nata Official thokhazy kaw zi ei ta,  MNF District Headquarters, Siaha tawhta ary liata palâsapzy he ta ama kaw zi thei hra:-

1. Puhpa S. Phunsanga, Adviser,

2. Puhpa Nelson Khenglawt, Adviser.

3. Puhpa Joseph MS. Tluanga, Adviser,

4. Puhpa C.L Hranga, Secretary, Media & Publicity.

5. Puhpa S. Pachhunga, Secretary,

6. Puhpa S. Lalrokhuma, Exe. Member.

7. Pihnô Heleni, Vice President, MNWF

8. Pihnô Lalmuanpuii, Adviser, MNWF.

9. Puhpa C. Lalhuapzauva, Member

10. Puhpa HC. Judson Lalruatfela, Office Staff.

He nahzy hleikhô ta chhôhkha lâ tawhta Pihnô Darhmingliani Zasai (w/o Puhpa HC. Lalmalsawma Zasai), Pihnô HC. Heleni, Vice Pre. MNWF, Pihnô Rita nata Pihnô Zanu zy kaw zi ei ta,  Artiste tawhta B. Priskily ta a kaw zi hra. 

Atanoh bia lâ alynabie reina liata aphuh leipa palyupalihna nata saiheina zy apatosa tuhpa khihto liata khitlâh nôpawpazy nata khihsaw zydua hnohta Puhpa HC. Lalmalsawma Zasai, Dy. CEM chata palôh hmeiseihpa ta alynabie reih ta, avaw zi tuhpa zydua hnohta chhao alynabie a reih chanei.

ISSUED BY:

Information & Publicity Department

Mara Autonomous District Council

Siaha.