PRESS RELEASE

NO.50/2022

SIAHA, 4 Chhiepa, 2022, Pachynoh - 12th MDC General Election hnei khai tawhta a ei kha nawpa ta Amôtlâh biatuhpa MDC Puhpa HC. Lalmalsawma Zasai, Dy. CEM, MADC ta Official Tour Programme taopa ta atakô 12th Term MADC General Election liata hlaotlohna a to vâta vote sôh kawpa a pie tuhpa a bia zawpizy hnoh ta alynabie rei awpa ta atanoh kha Tipi Ferry khih a tly.

Tipi Ferry khitlâh ta Dyna Gate taopa ta Pawpi ri chhao ta arônah kawpa ta ama vaw dy hleikhô ta Programme pha kawpa vaw taopa ei ta, Public Meeting hneipa a châ. Puhpa H. Zokunga, MNF Unit President ta Public Meeting he chhihtha ta, Machâ K. Zosanga, ECM Tipi Ferry Awnano Hyutuhpa ta pavaosana thlahchhâna a hnei.

Puhpa FC. Rehmô, Ex-MDC nata Treasurer, MNF District HQ, Siaha ta biereina chyupa hnei ta,  Puhpa C. Lalhranga, Secretary (Media), MNF District HQ ta hmia pahnosana a hnei.

He khai tawhta Puhpa HC. Lalmalsawma Zasai, Dy. CEM biereina hnei awpa ta hruapa châ ta, 12th Term MADC liata Khazohpa ngiachhiena vâta atlypatlohpa a châpa he Khazohpa ngiachhiena vâ a châ tah ta, Khazohpa lâ nata a bia zawpizy hnohta alynabie reih ta, a eihpachaipa ta saiheina nata kyhpachâna chô ta vote a pie tuhpa zydua hnoh ta palôh hmeiseihpa ta alynabie a reih. 

Election daihti liata hmiahaopa hawhta eima party chyu achâh byuh ta, atahmâ cha Election zy vaw chhâ ha ta, ziza pha leipa a y thei awpazy my khaipa ta Awnano nata NGO liata chakaona liatazy palôh miakha phaopa ta lôraoh kawpa ta eima ti nata râh châta keih chakâ khoh lymâ awpa ta a bia zawpizy hnoh ta hruana nata ahawna a tao.

Ryureina phapa ta MADC he hmialâ a sie lymâ thei nawpa  ta Awnanopazy thlahchhâ khei awpata ahaw ta, bia châ nata Mararâh châta Khazohpa khozie hawhta 12th Term chhâna taihta rai a hria thei nawpa ta thlahchhâna kheina â haw hra.

Porfolio ama patosapa Department-zy chhao a theina hawhta hmah pasiesa lymâ â chhuahzie a reih.

Puhpa Lalmalsawma chata Siaha tawhta avaw zipazy hnoh ta alynabie reih ta, atanoh Public Meeting liata avaw pua theipa nata avaw pua thei leipa Tipi Ferry zawpi hnoh ta alynabie a reih chanei.

Tipi Ferry khih tawhta hlasa thai ngâsâpa laihsa Lizzy ta hlasana hnei ta, daihti chhâna lâ liata Tipi Ferry zawpi vyuhpa ta Machâ PS. Ngohra, ECM Local Secretary ta alynabie reina a hnei.

Puhpa Lalmalsawma he Official lâ tawhta Puhpa John Keneth Syhly, EO nata Puhpa Beirokhu Beita, I & PO zy hleikhô ta Department Staff tawhta Puhpa T. Pabua nata St. Beibiesa zy ta zi ei ta, laihsa Priskily, Artiste chhao zipa ta hlasana ei no a hnei thei hra.

MNF District HQ: Siaha tawhta nata mo hropa Party nôpaw azi theipazy:-

1. Puhpa FC. Rehmo, Treasurer

2. Puhpa Joseph MS. Tluanga, Adviser

3. Puhpa J. Beichhualai, Vice Chairman (Media)

4. Puhpa FC. Sakhu, Secretary

5. Puhpa Pachhunga, Secretary

6. Puhpa H. Joel, Joint Secretary

7. Puhpa L. Beirachhua, Vice Pre. MNF Unit, Maisa

8. Pihnô J. Pawpi, VC Member, Phura ‘S’

9. Puhpa R. Pathuama, Secretary

10. Pihnô Lalmuanpuii, Adviser (WF)

11. Puhpa C. Lalhranga, Secretary (Media)

12. Puhpa Mawitea, Office Attendant

13. Puhpa HC. Hudson Ruatfela, Office Attendant

Alynabie reina Programme chhâ tawhta Tipi Ferry khitlâh ta Puhpa HC. Lalmalsawma Zasai MDC a tlohna alyna nata Dy. CEM alykheina châta zâpati pahâh kawpa amâ chhuanohpa cha aly kawpa ta dôh chyupa a châ.

ISSUED BY:-

Information & Publicity Department

Mara Autonomous District Council

Siaha.