PRESS RELEASE

NO.134/2022

SIAHA, 1 Phiata, 2022, Pachynoh - Atanoh he ta MSO Sub Headquarters: Shillong zy ta ama daihti lai chaipa Annual Conference cum 48th Freshers' Social programme ahmâh ei ta, he liata Chief Guest Puhpa HC. Lalmalsawma Zasai, Dy. CEM, MADC nata Guest of Honour Puhpa Beihruakhai, EM i/c Agri. MADC zy ta, MSO Sub Headquarters: Shillong zy hruana pachâ peimawhpa ta aly kawpa ta daihti ama hmâkhei.

He Programme liata Chief Guest Puhpa HC. Lalmalsawma Zasai, Dy. CEM, MADC ta pasyunabie reina chyupa hnei ta, "Achuhaipazy ta eima pachâ peimawh chai awpa cha Khazohpa a châ; Khazohpa pahnona chô ta châ achupazy ahlaotloh leipa y beih vei ei. Eima chhôhkha nahzy duahmo nahta ahmiepa ta khihsa thai tah, atobina kyh liata zy, nohto eima khihsana kyh liata zy asohsi kawpa ta eima sie abyuh" tahpa ta a reih.

"Achuhaipa eima châ no ta ti nata râh thapasa tah, hyutuhpa a châ haipazy hmahlana liata kho akhi leina lai kaw ta, chahawhpa ta âmo duahmo liata akei duahpa ta âmo hlâta taopha thei via awpa eima pachâ tyh. Chatanachata, ti nata râh kyhpachâna he Politics field lia ngâlâh khâcharâ â baipa hawhta pachâna, eima châthaipazy palôh liata a ypa he âdo khai leipa ta ei pahno tyh. Politics he chi nata pho chakaona châta chhaichhi y tlakaihpa hawhta eima pachâpa he pei ei tah kaw."

"Eima chi nata pho aduapapua nawpa nata tlâhna awpa he Political Platform ngâlâh he châ leipa ta, sawhkhâ liata chyhsa peimawhpa Clerk tawhta IAS taihta rai hriatuhpa eima hluhna su lia maih ta chipho nata a râh ta a phahnaikhei hluh viapa a châ lymâ tahpa he atanoh liata achuhai khochhih kawpa eima chahneipazy ei chi ta nama pahno heih awpa nata chahawhpa lâchhâh ta palôhru hneipa ta, pachâna vaw hmâh pathao awpa ta ei cha hrua ei" tahpa zy reipa ta atanoh liata achuhaipa zydua hnoh ta pasyuna bie pha kawpa reina nata hruana a tao.

ISSUED BY:

Information & Publicity Department

Mara Autonomous District Council

Siaha.