CORRIGENDUM

PRESS RELEASE

NO.132/2022

GUWAHATI, 30 Thlarâh, 2022, Chutynoh - Atanoh kha MADC nôpawpa Puhpa HC. Lalmalsawma Zasai, Dy. CEM nata Puhpa Beihruakhai, EM i/c Agri. zy ta NECTAR  Office, Guwahati liata 

Puhpa Arun Sharma, Director General, NECTAR ahmô ei ta, MADC châta hmahsie nawpa Project nano nanopa reikhei ei ta, Project ama tao chiehpa thokha ama pangia pâ.

MADC nôpawpazy he ta MADC châta peimawh nano nanopa, ary liata palâsapazy ama tlôkhei:

1. School Education Department, MADC tawhta Computer Learning Centre padua nawpa Project pangiapa a châ. He Computer Learning Centre he Siaha nata Tipa liata y awpa ta patohpatiapa a châ. He he Director Genral NECTAR chata a su awpa nama pasia thei khiahtala hmah la amâ vaw chhuah pâ aw tahpa a vaw chho ei.

He he a hlaotlohpa ta ta a châ khiah achuhaipa arairu kawpazy ta, athai kawpazy hmâpa ta asaipa ta Computer amâ chu thei ha bâ aw. 

2. MADC Agriculture Department tawhta Kaochao East, Tipi Ferry nata Phura khihzy liata Cold Storage bô awpa nata Food Processing Project chhao pangia pâpa a châ.

He ama hmo tlôkheipazy he Director General chata Board Meeting hmiatua chaipa liata vaw moh aw ei ta, amâ pykhei pâ awpa cha, pakah ta â vaw chhy ei.

He nahzy hleikhô ta MADC area châta kheih apasapazy châta athôhna nano nanopa y thei awpa nata amâ pha viapa ta ama zua thei nawpa ta hmahlakhei awpa nata patohpatia nawpa kyhzy reikhei ei ta, MADC area châta Mineral Water tao nawpa Project chhao achatlie thei chaina hawhta Project vaw pangia heih awpa ta Director General he ta MADC nôpawpazy a vaw chho pâ hra ei.

Atanoh NECTAR Director General nata MADC nôpawpazy apakyhna he ta MADC hmahsie nawpa châta Project ama taopazy hlaotloh cheingei awpa kyh liata tiama papua khoh nawpa dâh chhao ama reih hra.

ISSUED BY:

Information & Publicity Department

Mara Autonomous District Council

Siaha.