PRESS RELEASE

NO.130/2022

AIZAWL, 29 Thlarâh, 2022, Pobienoh - Atanoh he ta Puhpa HC. Lalmalsawma Zasai, Dy. CEM nata Puhpa Beihruakhai, EM i/c Agri., MADC zy ta Mizoram sawhkhâ hyutuhpa - Governor, Chief Minister, Education Minister nata Food & Civil Supply Minister zy ahmôpa ta MADC peimawh nano nanopazy ama tlôkhei. 

MADC nôpawpazy ta Mizoram sawhkhâ hyutuhpazy amâ hmôpa liata MADC hmahsie nawpa kao nano nanopa nata Education hmahsie nawpa châta tao awpa hro hropa ama hneipazy alaichadai pazipa ta palôh tlâh kawpa ta hyutuhpazy nahta ama rei khoh thei vâta amâ lyzie amâ ly kawpa a châ.

MADC nôpawpazy he ta Mizoram Chief Minister amâ hmôna liata MADC Golden Jubillee athei thlâh nawpa Building sa patlôkhei awpa ama peimawhzie zy, Siaha Circuit House pha viapa hnei thei nawpa ta tao awpa mokhei awpa zy, Tisôpi chavah Bridge tao awpa zy, MIDH & PMKSY hmâpa ta hmah lakhei awpazy, Siaha khichhôh lâpi chhie kawpa nata sao nata chhiah daihti liata Tipa bia lâpi achhie vâta asiepahliena pha leipazy hmah lapa awpa nata Siaha District hmahsie nawpa kao nano nanopa liata hmah la nawpa dâh zy ama reikhei.

Mizoram Governor hnohta MADC School Education Department ry liata Achuna O sapathi byuhpazy liata sapathi awpa ta hmah lakhei awpa nata Sainik School, Siaha District liata a y thei nawpa ta hmah lapa awpa ta ama reikhei hra.

Mizoram Education Minister hnoh ta Samagra Shiksha nahta hrialâhna pha viapa ama hnei thei nawpa ta patohpatiana nano nanopa nata School Infrastructure nano nanopazy chhao reikheipa a châ.

F&CS Minister chhao ahmôpa ta Siaha District liata staff adaih leina kyhzy vâta rairuna y thei awpazy reikheipa châ hra ta, Minister chhao ta a theina hawhta hmahla awpa a châzie a vaw chho ei.

Puhpa FC. Rehmô, Ex-MDC & Member, Coordination Committee, MADC nata Puhpa K. Lalchhanhima, GS, MNF zy ta Dy. CEM nata EM(Agri) zy he ama zi. 

ISSUED BY:

Information & Publicity Department

Mara Autonomous District Council

Siaha.