PRESS RELEASE

NO.82/2022

SIAHA, 19 Khihpa, 2022, Hriaheinoh - Atanoh dawh 1:00 PM pa ta CEM charge ala ngâhaipa Puhpa HC. Lalmalsawma Zasai, Dy. CEM, MADC nata a hrialâhpazy ta E&F Conference Hall, MADC Complex liata MADC ry liata sawhkhâ rai hriapa Group ‘B’ tawhta a chôlâ zydua apakyhna - meeting a hnei khei.

Puhpa K. Chhihrau, ES, MADC ta Chairman châpa ta chhihtha ta, Puhpa Beimosa Azyu, P&DO, MADC ta daihti pavaosana hnei ta, Executive Member tawhta ahlaopa Puhpa Nahlo Solo, EM i/c Revenue etc. nata Puhpa Hrangchuang, EM i/c RD etc. zy ta Employee zy hnoh ta pasyuna bie pha kawpa reina ama hnei.

Puhpa HC. Lalmalsawma Zasai, Dy. CEM biereina hnei awpa ta hruapa châ ta, MADC ry liata sawhkhâ rai hriapazy hnoh ta pasyuna bie a reih hleikhô ta, 12th Term MADC ta MADC pha nawpa nata a chhôh liata raihria tuhpazy hmahsie nawpa kao nano nanopa a ypa a pahnopazy reina a hnei. Ary liata palâsapa he a bierei tlâhpi viapazy a châ:-

1. Politics liata la, population liata châ leipa ta status ta criteria ama tao tyh, zachhihna he a population a hluh nata hluh lei liata apahnieh vei. Chahawh ta nâmo Officer nahzy chhao, State officer zy nahta nama grade â lyu khiah nama status alyu khai ei chi ta, nâmo sasyh namâ hmôna dâh namâ hmô pahnai lei awpa ta ei châ haw ei. Inferiority complex nama hnei khiatala rai hria thai aw vei ei chi. Chahnaita inferioty complex hnei rai rai lei awpa a châ.

2. Transparency kawpa ta rai nama hria awpa a byuh. Head of Department zy ta nama subordinate Officer zy file nama through lyma awpa a byuh. Kei ei khoh dâh ta la, Head Assistant (H.A) Computer a thai leipa la Superintendent lâ promote khao leipa châ sala apha ei tah.

3. Officer cha rules - dâh nata phôh achu hluh tah, namâ update ngâthlâh ha awpa a byuh. Apachaipa ta Education Department liata ypazy Superintendent zy, Under Secretary zy nata Officer hropa zy rules he tha ta achu ula, a update via lymâ teh u.

4. Tahmâ chhochhi la, internet pha kaw bâ ta, rei pakawh nawpa nata library liata paso awpa châta zy chhao online tawhta châbu zy a chalei thei khai bâ; sie vawna liata sôh hryuh lei awpa ta lâpi tlua sih la, eima MADC pha nawpa nata Mararâh pha nawpa a châ.

5. 12th Term MADC he ta eima Officers nata Staff zy, apha kawpa ta cha hrialâh awpa khoh pi ta, ahy hmahta hrialâh thei lei awpa hnei aw ma pi. Employee zydua, O chhôh nata khiliah hmozy, Office liata avaw ngia khei leipa ta, nama puhpa EM nahzy nata HoD nahzy ta rai ama chapiepa maih cha ti nata râh châta apha kawpa ta nama hria chyu awpa ta ei châ haw ei.

Daihti chhâna lâ liata zawpi ta Paw thlahchhâna reipa ta meeting pachhâsapa a châ.

ISSUED BY:

Information & Publicity Department

Mara Autinomous District Council

Siaha.