PRESS RELEASE

NO.59/2022

SIAHA, Chhiepa 17 June 2022, Chutyhnoh - Atanoh zâlâ dawh 1:10 PM khata Puhpa HC Lalmalsawma Zasai, Dy. CEM, MADC ta Siaha khihpi chhôh liata Bank nano nanopa liata hriapazy a office liata thopi dokhei awpa ta hrua ei ta, Bank lâ tawhta rairuna amâ tyhpazy a reih khei ei. MADC ta staff 1000 rachhôh hnei ta, hezy heta Bank ama hmâh phahnai thei awpa nata Bank lâ tawh chhaota MADC staff nata customer zy châta phahnai theina lâthlôh ama hnei thei n'awpazy a reikhei ei.

A pahchaipa ta, Loan lapazy rairuna nata, Loan lapazy tawhta Bank ta rairuna ama hneipazy ama rairuna a reikhei ei.

Dy. CEM ahawna hawhta Mararâh châta Corporate Social Responsibility (CSR) hmâpa ta Bank ta miah bao thei n'awpa lâthlôhzy a reikhei pâ hra ei. Bank lâta hyutuhpazy chhaota Dy.CEM ahawna he thapiphiakhei amâ chhuahzie ama reih hra.

Bank lâ tawhta Siaha khihpi liata ATM rairuna nata regular kawpa ta ama pahy thei tyh leina chhâpa cha power supply pha lei vâ a châzie reih ei ta, Bank liata phusâ deposit phazie zawpi ta ama pahno tu leizie zy, Bank loan la chôchâh liata rairuna chi nano nanopa amâ tyhzie chhao ama reih khoh.

Dy. CEM chata Bank liata hriapazy hnohta Siaha liata ama y chhôh ta rairuna ama hneipazy kâchhie leipa ta apahnosa ta, bao amâ ngiahna maih liata bao awpa ta MADC khatino rai ta âmâ thlâhzie chhao reikhei ei ta, MADC he staff hnei hluh chaipa châ pi ta, anoeih ta sie thai'pa châ leipa pi ta, a peimawh rairiepa châ pi ta, eima hriaparaoh awpa a peimawh ngaita kaw tahpa ta pasyuna bie pha kawpa a reikhei ei.

ISSUED BY:

Information & Publicity Department

Mara Autonomous District Council

Siaha.