PRESS RELEASE

NO.177/2022

SIAHA, 16 Phiapi, 2022, Pakhynoh - Atanoh zâlâ dawh 4:00 PM pa ta Tourist Lodge, Siaha liata Puhpa HC. Lalmalsawma Zasai, Dy. CEM, Puhpa K. Chhihrau, Executive Secretary, MADC nata MTP Gen. HQ, Siaha chhihtuhpazy ta Rev. Lalcunglian nata a viasazy USA tawhta a vaw tlôpazy apakyhna ama hnei.

Apakyhna programme he Puhpa C. Suihmunga ta chhihtha ta, Rev. VL. Ngaia Hlychho, Sr. Ex. Secretary, ECM ta Abeipa lâ pavaosana thlahchhâna a hnei.

Puhpa John Beizachhi Phuto, ZT. Beibiekhai nata Ajalia Beingiarili Solo zy ta  pahnie kawpa ta hlasapa ta zawpi ama palôhpahawh.

Rev. Lalcunglian chata biereina hnei ta, MADC, NGO, Awnanopazy, Mara zawpi zydua khichha lâta charia chi vâta azâ râpazy chô lâ liata nama phana, baokhâna nata deichhyna zydua he keimo ta cha thô thei lei paw pita, Abeipa ta byhna hlupi cha pie hri maw ei sy tahpa ta alynabie a reih.

Puhpa HC. Lalmalsawma Zasai, Dy. CEM, MADC ta pasyunabie a reipa tlâhpi viapazy:

A hmiatua ta MADC vyuhpa ta samaw ei cha hlâ ei. Siaha khihpi liata eima unawh USA liata a ypazy nata ahmôpakhyna daihti eimâ hmâh theipa he ei ly hmeiseih.

Siaha District liata khichha lâ ta eima unawh charia chi vâta azâ râpazy a pachaipa ta hawtizy amâ chuna (education) ei pachâ nah heta, ei palôh na hria ta, na ngiachhie kaw ei ta, eima taotheipa chyh tlôh ta.

Châhrasala, unawh eima châpa my leipa ta, MADC liata education a mohôhtuhpa ei châna lâ tawhta ei taotheipa liata cha baokhâ ta tao lymâ achhuah na ta, MADC liata ei hrialâhpazy palôhrupa a châ hra.

Atanoh ta eimâ hmôpakhypa heta eima hmialâ châta theilâ phapa a pahthei cheingei nahta ei pangiasa.

Noh-aotlâh, etc  khih liazy ta chariah chi ta azâ râpazy a pachaipa ta hawtizy châta eima theina rakha ta achuna (education) eima pachâpa hra eina tahpa he ei cha chho khoh ei.

A baokhâ rairie ta hawtizy châta amâ chuna (education) hmahsiena a y via lymâ thei nawpa ta eima thlahchhâna liata a thei via lymâ sih la, hnabeidy leipa ta hriaparaoh lymâ awpa ta ei châ haw ei.

Ei châ ly kaw ei.

Puhpa K. Chhihrau, Executive Secretary, MADC chhaota pasyunabie pha kawpa reina a hnei hra.

Rev. Dr. FC. Beichô ta vote of thanks reina a hnei khai tawhta   thlahchhâna ta daihti a pachhâsa.

Rev. Dr. FC. Beichô nata chhôkha zy ta dinner zy pachhuahpanoh ei ta, aly kawpa ta dôh khohpa a châ.

ISSUED BY:

Information & Publicity Department

Mara Autonomous District Council

Siaha.