PRESS RELEASE

NO.179/2022

SIAHA, 17 Phiapi, 2022, Pobiehnoh - Atanoh dawh 11:00 AM pa ta Forest Hall, MADC, Siaha liata District Fisheries Development Officer office, Siaha District, Siaha pachhuahpanohpa One-Day Conference/Workshop on Fish Farming Programme liata Puhpa HC. Lalmalsawma Zasai, Dy. CEM, cha khichhai laipa (chief guest) châpa ta â hmâkhei ei. 

Programme he Puhpa Lalramzawnchhuaha Khawlhring, DFDO, Siaha ta chhihtha ta, Puhpa Lallungmuana Hrahu, Fish Farmer ta Abeipa lâ pavaosana devotion daihti â hmâh.

Puhpa HC. Lalmalsawma Zasai, Dy. CEM, MADC ta pasyunabie a reipa tlâhpi viapazy:

Fish farming lia heta tiama papua via lymâ u la, Fish Farmer zy chhaota nietluana châta hmâh thei ei chi ta, namâ tivy awpa he a peimawh ngaita kaw. Sawhkhâ tawhta Fish farming tao nawpa ta baona nama hmôpazy kha nama hmâh thai kaw awpa byuh ta, pahâh kawpa nata tiama kawpa ta palôh zydua pie khaipa ta nama tao lymâ awpa ta ei châ haw ei.

Atahmâ chhochhi cha, pasana khiakhipazy hluh ta, chyhsa hluh via heta sa (Pork, Beef, Chicken, Mutton, etc) nie ngâh khao leipa ei ta, ngasa (fish) ngâlâh a niepa ama vaw hluh kaw bâ. Chavâta, Fish farming liata tiama papua ta hlaotloh kawpa ta nama hria khiahta la, a marketing lâ liata bua vei chi.

Fish farming tao he a vaw pha kawna chhâpa cha a kiapâh lia khata Awh, Vao, Viahchao, etc chhao zao thei ei chi ta a tiamapa châta la  a vaw pha hmeiseih. Fish farming lia heta chapu pha kawpazy tao ta, âriepa tyhpa châ sala, chyhsazy ta cha parupa thei leipaw ei ta, rai chhao nama hria hluh via thei aw.

Tiama kawpa ta Fish farming taopa ta cha nietluana khi châ ta ativyna khi chhao a châ tahpa nama pahno ha tarawpa ta ei vaw reih chanei heih. Sawhkhâ tawhta Fish farming tao nawpa ta sôh nama hmôpazy a châna dopa ta liata nama hmâh lei pathlei khiahta cha, Concerned Department lâ tawhta vaw monitor ei ta, fish farming tao tlâ leipa ta sôhzy a vaw leilô tlamaw hapa a vaw châ khiahta cha, nâmo dei tao leipaw ei chi ta, a râh ta a tao lymâ aw. Chavâta, Khazoh china chôta nata papitlohsa cheingei achhuahpa ta rai nama hria chyu awpa ta ei châ haw ei.

ISSUED BY:

Information & Publicity Department

Mara Autonomous District Council

Siaha.