PRESS RELEASE

NO.167/2022

SIAHA, 02 Phiapi, 2022, Pakhynoh – Atanoh dawh 10:00 AM pa ta Puhpa HC. Lalmalsawma Zasai, Dy. CEM, MADC ta ECM Vaih Primary School a tly. 

Dy. CEM chata a school tlyna liata school châta ama peimawhpazy mokheipa ta Headmaster nata staff zy ta ama peimawh ngiapazy Dy. CEM ama chho.

Puhpa S. Chhôlai, Headmaster, ECM Vaih Primary School chata ama   School Teachers' Room nata School O (Class Room) pâhchhô-tlâh nata Râhvâ Chahrizy cha Leichhaw ta nie khai ha ta, ama School O major repair ama peimawhzie Dy. CEM hnohta chho ei ta, Dy. CEM chhaota a theina rakha ta bao âchhuahzie a chho hra ei.

Puhpa S. Chhôlai chata atanoh Dy. CEM ta ama School aza tlypa â lyzie reih ta, ama school châta SYNTAX Litre 2000-pa ama peimawhzie reih ta, Dy. CEM chhaota Headmaster ahawna cha hlaopatlohpa â chhuazie a chho pâ hra ei. He school heta students 61 hnei ta, Kg 1 tawhta Class IV taih a y. Pachutuhpa pahrawh (10) hnei ei ta, Instructor pakha (1) ama hnei.

UDISE hmâpa ta school information nata school report summary ama pie daihti liata ama taotia dâh nawpazy Dy. CEM heta a chho pâ hra ei.

Puhpa S. Chhôlai chata Dy. CEM hnohta Siaha District chhôh liata pachutuhpazy châta Conference miah hneikhei thei u la tahpa ahawna a tao pâ hra.

Don Bosco School, Ryusa School zy he pachuna kyh liata tiama kaw ei ta, nâmo school chhao he tiama nama papua hra awpa ta â haw hra ei. He school liata pachutuhpazy ei chi he Don Bosco School liata pachu awpa châ u la, namâ ngâ ma? tahpa ta Dy. CEM ta hiahrina tao ta, amâ ngâzie Dy. CEM hnohta ama chho hra.

Dy. CEM chata he nama school lia heta nama sawnah school pakiasa awpa châ sala, nama pakiasa khoh ma tahpa ta Pihnô NT. Nangô hnohta hiahrina tao ta, "ei pakiasa khoh aw tahpa ta â chhy". Dy. CEM chhao â ly kaw.

Puhpa HC. Lalmalsawma Zasai, Dy. CEM he Official lâ tawhta Puhpa Herbertson Syuhlô, AEO (P/S), Puhpa John VT. Hniehu, AEO (M/S),  Puhpa Pawsa Lava, AITO, Puhpa S. Zatha, CEO, MADC nata Puhpa T. Pabua, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.