PRESS RELEASE
NO.181/2022
SIAHA, 18 Phiapi, 2022, Chutyhnoh - Siahatlâh HWC, Siaha liata Social Awareness and Action to Neutralize Pneumonia Successfully (SAANS) launching programme liata Puhpa HC. Biakcheuva, EM i/c Environment & Forest, etc. MADC, cha khichhai laipa (chief guest) châpa ta â hmâkhei ei.
Programme he Dr. Lalnunziri, CMO ta chhihtha ta, Dr. Zochhuanawmi chhao SAANS launching programme he avaw hmâkhei hra ei.
Puhpa HC. Biakcheuva, EM, MADC ta pasyunabie a reipa tlâhpi viapazy:
Atanoh he programme liata ei bia chhôh a châna hawhta khichhai laipa châ awpa ta hruapa ei châpa he avaw lykaw nahta, namâ zydua hnohta alynabie ei châ hlâ ei.
Biatuhpa MLA Minister ta he Health Mela châta Rs. 1 lakh miah pie ta eimâ ly hmeiseih.
COVID-19 vâta khapa hmahta tao theipa a cha lei no chhaota Health Department liata ahriapazy namâ tiamana nata nama hriapasana vâta buana hlupi eimâ khokhah.
Sawhkhâ ta kyh miah pachâ kawpa vâta eimâ vaih "Sub-Center" cha "Health and Wellness Center" lâ ta miah upgrade pa ei ta eimâ ly hmeiseih. Pasana nano nanopa Malaria, Blood Sugar, etc zy a rainao kawpa ta â pamosa thei bâh aw.
Health Department nata zawpizy hrialana phapa eima hnei lyma awpa a peimawh ngaita kaw.
Hawsaih (infant mortality rate) âsâh kawpa vâta hriaparaona phapa eimâ hnei via lymâ awpa a peimawh ngaita kaw.
O lâta nawhhnei (sawhnei) thlah leipa ta he suh liata tlyma hospital liata tlyma namâ hnei lyma awpa ta ei châ haw ei. Vaccine la papeimawhsa via lymâ suh vy.
Pasana (tlâhleina) mâ he ama ru kawta, chavâta, eimâ zydua ta eimâ hnatlâhna, hri-iah pathaihna (health) he eimâ pachâ peimawh chyu awpa apeimawh ngaita kaw.
Rairuna namâ vaw tyh pathlei khia kâchhie leipa ta na vaw call lymâ ula, ei theina hawhta ei cha baokhâ lymâ aw ei.
Ei châ ly kaw ei.
ISSUED BY:
Information & Publicity Department
Mara Autonomous District Council
Siaha.
Attachment
