Mara Autonomous District Council (MADC), Siaha, Government of Mizoram, India

PRESS RELEASE

NO.83/2022

SIAHA, 21 Khihpa, 2022, Pobienoh - Atanoh my dawh 11:00 Am pa khata Puhpa HC. Biakcheuva, EM i/c Forests etc. ta a Chamber liata Environment & Forest Department, MADC tawhta Forester nata Forest Guard training Mizoram Forest Training School, Bethlehem Vengthlang tawhta a kaw patlôpazy alykheina nata thopi dokheina a hnei.

He daihti he Puhpa Thaly T. Azyu, Conservator of Forests, MADC ta chhihtha ta, training hneina report zy a pie.

Training he Deptt. tawhta maluh 7 : Forester 3 (Nelson Chozah, T. Beichusa, John Cliffer Beiphasia) nata Forest Guard 4 (Andy F. Malsawmkima, Az. Haiko, H. Vachhua, N. Jeffrey) zy ta thla charu (6 months) chhôh ama za hnei. Ama batch liata training ahneipa zydua he maluh 16 châ eita, MADC, CADC nata Thenzawl tawhta a training pazy ama châ.

MADC tawhta a training pazy he taopha kaw ei ta, Forester result liata 1st, 2nd nata 3rd position ama la hleikhô ta Forest Guard liata 1st nata 2nd position zy ama la. A pôhpalôhpa liata sâkhana a châpa Nelson Chozah, Fr nata Andy F. Malsawmkima, Fg zy heta PCCF Gold Medal ama dao pâ hra.

He hleikhôpa ta MADC, E&F trainees nahzy hry lia heta subject nano nanopa liata mark hmô sâh chaipa ta Topper ama za châ hra.

Puhpa HC. Biakcheuva, EM i/c Forests ta training akaw patlôpa na zy hnohta pasyupalina pha kawpa reih pazi ta, bible reih papuana ahnei khai tawhta raih liata ngâchhina hnei awpa nata adyhna ataotuhpa châ awpa a peimawhzie zy reih ta, areisina nata chyhsa mopahnaina hnei leipata rai liata ngâchhih kawpata hria pazao lymâ awpata a pasyu pazi ei.

Forester Trainees: -

1. Nelson Chozah, B.Sc Forestry

• 1st Position (Honours) Gold Medalist

• 1244 marks out of 1400 (88.85%)

• Highest marks in ‘Forest Protection & Law’

• Best conduct

• PCCF Gold Medal

2. T. Beichusa, B.Sc Agriculture

• 2nd Position (Honours) Silver Medalist

• Highest marks in ‘Silviculture’

• Highest marks in ‘Wildlife management’

3. John Cliffer Beiphasia, BA (Political Science)