PRESS RELEASE

NO.76/2022

AIZAWL, 7 Khihpa, 2022, Pobienoh - Puhpa HC. Biakcheuva, EM i/c E & F Department etc. MADC ta zâhnia zo kha ta Aizawl liata Mara Boys Hostel nata Mara Girls Hostel zy a tly.

He Hostel-zy tlyna liata Puhpa Nixon P. Notlia, Asst. LO, Mara House ta zipa ta Programme chyupa taopa liata chhihtha ta, Puhpa Biakcheuva ta pasyuna bie pha kawpa reina a hnei laih.

Hosteller lâ tawhta hmiapahnosana ama tao hleikhô ta biereina chhao hnei ei ta, Girls Hostel lâ liata Warden Pihnô M. Rili chhao biereina a hnei hra. 

Puhpa Biakcheuva, EM zachhihpa chata hmialâ Mararâh hmahsie nawpa nata ti nata râh achhihtha laih lymâ nawpa liata Marasaw châthaipa eima peimawhzie reih ta, chavâta achuhaipazy liata hnabeiseihna hnei pi ta, riethei nata rairuna papeisa leipa ta tiama kawpa ta amâ chhuahpa (aims) hlao patloh chyu awpa ta achuhaipa zydua hnoh ta ahawna nata khokheina a hlâ ei. EM zachhihpa he ta Mara Girls Hostel ta ama peimawh kawpa Plastic Chair 20 chhao Aizawl liata a châh chhôh ta pachâpa awpa â chhuahzie a reih ta, Boys Hostel nata Girls Hostel zy Bazar nawpa ta hmosai piepa hlâna a hnei raihrie hra.

Puhpa Thaly T. Azyu, CF, E & F Department, MADC ta Puhpa HC. Biakcheuva, EM he a chakaochahlâh. 

ISSUED BY:

Information & Publicity Department

Mara Autonomous District Council

Siaha.