PRESS RELEASE

NO.66/2022

SIAHA, 24 Chhiepa, 2022, Chutynoh - Atanoh kha Puhpa HC. Biakcheuva, EM i/c E & F Department etc., MADC ta 12th Term MADC General Election khai tawhta a ei kha nawpa ta a bia Tisôpi khi cha alynabie rei awpa ta a tly.

Dawh 10:00 Am pa ta Tisôpi khih angiapa châ ta, dyna gate nata pawpi ri chhao ta ama vaw dy hleikhô ta Puhpa HC. Biakcheuva nata a lahpinô Pihnô N.   Pawngia zy cha arônah kawpa ta dyna gate taihta amâ sy.

Alykheina Programme hmâ khai tawhta alyna kyhchhi dôhpa a châ. 

Dawh 2:20 PM pa ta Old Tisôpi vaih lâ angiapa châ ta, he liata dyna gate pha kawpa ama vaw taopa ry liata Puhpa Biakcheuva, a lahpinô nata a zipazy hnoh ta alykheina nata palyupalihna Pawpi ri pa-aopa châ ei ta, he khai tawhta alykheina Programme hmâ pazipa châta, alykheina châta zâpati pachhuahpanohpa a châ hra.

Programme su 2 taopazy liata a kaw zipa Puhpa Nahlô Solo, EM i/c Rev. nata Puhpa ST. Vanmalsawmliana, EM i/c Sports zy ta pasyuna bie nata alykheina biereina chyupa hnei ei ta, Puhpa NT. Thatlua, Ex-MDC & GS, MNF District HQ, Siaha ta hmiapahnosana hnei ta, Laihsa Chhingpuii Azyu nata Labana Azyu (Old Tisôpi) zy ta hlasapa ta zawpi ama palôpahawh.

Puhpa HC. Biakcheuva chata, alynabie rei awpa ta asiepa a châna hawhta Programme su 2 lâ taopa liata alynabie reina daihti hmâh rairie ta, ary liata palâsapa he alynabie reina tho ta a bierei tlâhpi viapazy a châ:-

1. Ahmiatua ta, atanoh, daihti nata tlâhna phapa miah pie tuhpa eima Beipa Khazohpa hnoh ta alynabie ei reih. 

2. VC nata khitlâh nôpawpazy hnoh ta alynabie reih na ta, NGOs nata khitlâh zawpi, he su liata avy theipa Khihsawzy nata avy thei leipa zydua hnoh ta chhao alynabie reih na ta, Abeipa chhihthana ei topa liata nâ lykhei tah, atanoh liata nâ kaw zipa zydua hnoh ta Abeipa moh ta alynabie ei reih.

3. Khitlâh châta hmo phapa kaw phao awpazy, khitlâh châta hmo phapa thlai tao awpa ei khoh kaw no ta eima tao theipa chyh kaw chy ta, hmialâ eima theina hawhta tiama papua aw pi ta, Revenue Department nata Sports Department tawhta EM zachhihpa akhypazy nata eima MADC nôpaw hropazy ta miah ama mohkhei laih awpa ta ei hnabeiseih.

4.  12th MADC General Election liata eima bia tawhta Candidate nahzy, kei hlâta pha viapa sai ama châ no ta, ‘ato châta daihti raopa a châ’ tahpa hawhta Abeipa ta keima eina padua tahpa ei pyh. Eima hrona he Khazohpa eih a châpa hawhta pahniena nata hlaotlohna chhao Khazohpa eih a châ tahpa ei reih khoh kaw.

5. Atanoh liata râh nata Awnano liata eima chakaolâhpa Machâ LC. Chakhai, chhâzaw râh miah ngaisai hapa palôh liata athei pi ta, a siesaipa chhôhkhazy palôh hmeiseihpa ta eima taokhei.

6. EM i/c Forest eima vaw to theipa he keima nata khih vâhneina & byhnâ a châ; râh nata ryureina he Abeipa eih a châ hapa vâta asia leipa nata a nawh chaipazy Abeipa ta miah a padua hri tyh. He zydua he Khazohpa ngiachhiena vâ deita nata khitlâh nôpaw nata Mararâh Awnanopazy thlahchhâ kheina vâta a châ.  

7. Nôhmeipa nata hârâpazy châta paw châ thei hra awpa nata Mararâh chhihtha ta eima biazy apha kawpa ta mohôh thei awpa ta thlahchhâ na bao lymâ awpa ta châ haw ei na ta, keima he ti nata râh châta State nata Central sawhkhâ lâ nama tua pahai awpa ei châ. Ato atao thei tuhpa Khazohpa lâ apavaosana chô ta, sona nata novâhna na hia khei awpa ta châ haw ei na ta, ti nata râh châta tao chhâhchabâhpa tao lymâ ei chhuah.

8. Party sâ 1 eih châ leipa na ta, Mararâh zawpi eih ei châ; khihsaw nata râh châta peimawhpazy cha eima reilâh lymâ awpa a châ.

9. Atahmâhlâ khizaw saipa ta rairuna thata eimâ tyh lymâ, Tihnawh yna lâ maih râh pabohsa awpa he achhuah si la, Adona & Ngâchhihna biezy my leipa ta Thodaw eima lopazy he ahy rai ta pabohsa rai hria chyu suh u; VCs & NGOs zy chhao pi ta pahhnai ngiah kawpa ta pabohsana rai hriana liata tiama via lymâ ei suh u.

10. Opa lyuhri a pha khiah khitlâh hmah siena a châ; kyh apachâ raihrie ei suh u.

11. Kei he reikah athai leipa nata dyutlai lei ngaitapa ei châ vâta Abeipa ta miah a chhihthana hawhta sie lymâ awpa he ei thlahchhâna a châ.

12. Election liata Tisopi zawpizy tawhta khokheina nata deichhyna ei to vâta alynabie cha hlâ ei na ta, saiheina nata kyhpachâna chô ta 12th MADC General Election liata nâ deichhy tuhpa zydua hnoh ta alynabie ei cha hlâ chanei ei.

13. Party mo pa-eihna hnei leipa ta râh chhihthana kyh liata lôraoh kawpa ta sie si la, party to, khitlâh nata râh châta EM ei châ tahpa ei reih chanei khoh kaw. 

14. Atanoh programme pha kawpa miah taopa ei chi ta, nama khokheina nata palyupalihna zydua liata alynabie ei cha hlâ ei.

15. Atanoh liata ei phana rakha hawhta alynabie ei reipa he, palôh hmeiseihpa tawhta ei reipa na a châ tahpa bia zawpizy ta einâ pypa awpa ei chi ta châ haw ei na ta, 12th MADC, kô 5 chhôh he apalâ kawpa nata Khazohpa khozie hawhta chhihthaoa ta ei sie lymâ thei nawpa ta thlahchhâ na bao chyu awpa ta bia zawpizy ei châ haw ei. Ei châ ly kaw ei.

Puhpa Biakcheuva he a lahpinô Pihnô N. Pawngia ta zi ta, Puhpa Nahlo Solo, EM i/c Rev., Puhpa Vanmalsawmliana, EM i/c Sports zy ta zi thei hra ei ta, MADC officials tawhta Puhpa Thaly T. Azyu, CF, Puhpa HC. Lalropuia, IDO nata staff, Puhpa Beirôkhu Beitâ, I & PO, Puhpa Syuhlô Beichakhei Mara, PS to CEM zy hleikhô ta Environment & Forest Department Officers & Staff,  Puhpa CH. Lalhriatpuia, P.A to E.M (F), MADC

Puhpa K. Nehemia, Cameraman, I&PD zy ta zi ei ta, MNF District HQ tawhta Puhpa NT. Thatlua Ex-MDC, GS, Puhpa Mahu Chozah, Adviser, Puhpa C.L. Hranga, Media Secretary, Puhpa H. Dopianga, President, Siaha MNF Block, Puhpa N. Thialua, President MNSF, Pihnô H.C. Lalnuntluangi, GS, MNWF zy ta zi ei ta, Puhpa M. Baithai, President, MJA Siaha, 

Siahatlâh VC & Unit nahzy nata hlasathaipa Chhingpuii Azyu zy ta ama zi.

ISSUEF BY:

Information & Publicity Department

Mara Autonomous District Council

Siaha.