PRESS RELEASE

NO.151/2022

 

SIAHA, 17 Phiata, 2022, Hriatuanoh  – 

Mararȃh chȃta hmo peimawhpa nata angiahpazy patohpatia awpa ta tȃri 03.10.2022 khata Aizawl pangaipa ta Puhpa H. Malvina, Hon’ble Chief Executive Member, MADC cha atlȃh kawpa ta tȃri 15.10.2022 khata Siaha a kaw tlô.

 

Abeipa hrôbiehna ta Aizawl liata a chȃh chhôh heta Mararȃh chȃta hmo peimawhpa hluhpi patohpatia ta, State Sawhkhâ chhihthatuhpazy asaohiahpa ta, eima rairunazy pathlâkhei awpa ta biehneituhpazy hnohta tlôkheipa a chȃ.

Chatanachata Mizoram Cabinet Minister zydua ahmô khaipa châ ta, Department thokha liata Official peimawh viapazy chhao asaohiah lymâpa a châ. 

 

Eima nôpawpazy ta ama buakhei haipa Salary Bill hmâ thei awpa ta hmo peimawhpazy patohpatiapa châ ta, Law vetted khaipa a châ hleikhô ta, Finance Department chhao siepahlie hapa châ ta, Official level liata tao awpazy cha pangoh khaipa a châ. Atahmâ he Cabinet Meeting ta apyhkhei /Approve awpa deita mokhâh haipa a châ.

 

Hmahlana hropa tlâhpi viapa thokhazy:

 

1.         Puhpa Dr. R.Lalthangliana, Hon’ble Minister of Health & Family Welfare Dept. etc. Gov’t. of Mizoram asaohiahpa ta eima rȃh ta a peimawhpa nata angiahpazy tlôkheipa châ ta, Meisavaih, Siaha liata Health Clinic Centre padua awpa ta amâ hawna cha thlai ta hlaotloh awpa ta hnabeiseihpa a chȃ.

 

2.         Puhpa K. Lalrinliana, Hon’ble Minister i/c Food & Civil Supply, etc. ahmô heihpa chȃ ta, Siaha liata Food & Civil Supply Godown a pha viapa ta sa pathi awpa nata a su pasie awpa ahawna chhao thlai ta hlao patloh awpa ta hnabeiseihpa a chȃ hra. He Godown pasie n’awpa su he MADC Vety Farm kiapâh rachhôh hnabeiseihpa a châ.

 

3.         Puhpa Robert Romawia Royte, Hon’ble Minister i/c Sports & Youth Service, etc. ahmôpa chȃ ta, Sport lȃchhȃh hmo peimawhpa, Project nano nanopazy nata Siaha liata Mizoram Women Football Tournament atlô awpa chochȃh reikheipa chȃ ta, he kyh liata sôh aphahlanazy cha pathlȃkhei awpa ta Minister zachhih kawpa heta ȃ chhuahzie vaw chho ei ta, eimȃ ly ngaita.

 

4.         Siaha District liata Rural Development Block sȃ 3 (thôh) y awpa ta Puhpa Lalruatkima, Hon’ble Minister i/c Rural Development, etc. hnohta tlôkheipa chȃ ta, Phura RD Block thiehpa hnei awpa ta hnabeiseihpa a chȃ.

 

5.         District Jail, Siaha sa pathi awpa nata pasie awpa chhao thlaita hlaotloh awpa ta hnabeiseihpa a chȃ hra.

 

6.         Mizoram ta High School Teacher 150 la chhi awpa ta aparyhsapa liata  Mararȃh liata High School Teacher la awpazy cha ti nata rȃh hneituhpazy khokhei awpa ta Education Minister hnohta ahawpa chȃ ta, he he pachȃ peimawhpa nata hlaotloh awpa ta hnabeiseihpa a chȃ.

 

7.         MADC sôh duasu nata amohôhna kyh liata rairunazy mokhei awpa nata pathlâpazikhei awpa ta asaohiahpa cha thlaita hlao patlohpa châ ta, târi 18.10.2002 khata MADC vyuhpa ta tuapazy nata Workshop Aijal Club liata hneipa châ ta, atakô November thlâpâ liata Second Mizoram Finance Commission heta MADC maniah kaw tly awpa ta paryhsapa a chȃ hra.

 

8.         Wing Commander, Principal Consultant, GAD, Aviation Wing, Gov’t. of Mizoram lȃta ahawna hawhta Aizawl nata Siaha cha 4th Nov. 2022 tawhta cha hȃta ei 1 (kha) liata ei 3 (thôh) Helicopter Service bȃ awpa ta hnabeiseihpa châ ta, Helicopter Ticket Reservation chhao CEM quota hiapa a châ.

 

9.         Border Trade hmahlana châta Lôpu -  Ralie kiapâh Salyuh chavah Inland Water Way Project hmahlakhei awpa ta ahawna cha thlaita Concept Paper pachhuahpanoh awpa ta hnabeiseihpa a châ.

 

10.      Phura liata Vety Dispensary padua awpa ta ahawna chhao thlai ta hlaotlohna hmia hmô awpa ta hnabeiseihpa a châ.

 

11.      Lomasu – Darzo Inland Water Way pachhuahpanoh awpa ta Spot verification hnei awpa ta Concern Minister Puhpa TJ. Lalnuntluanga ahawpa châ ta, thlai ta a kaw mohpasia awpa ta hnabeiseihpa a châ.

 

12.      Art & Culture Department, MADC ta abuakhei haipa Tagore Cultural Complex Project chhao hmahla pazao haipa nata hlaotloh awpa ta hnabeiseihpa a châ.

 

13.      Mara Thyutliapazy Football Sport liata hmah eima sie via lymâ thei n’awpa ISPL 2022 Season – I Bodoland liata akhaih awpa tuapa châ ta, he heta India râh liata Club laipa nata peimawhpazy liata Marasaw Football liata lâthlôh apahy thei awpa ta hnabeiseihpa a châ. 

 

All India Football Federation chhao ta apykhei ha ta, President, All India Football Fedaration chhaota he Final Match daihti liata akaw hmâkhei awpa ta paryhsa ha ta, Marasaw Football sport lâthlôh thata a pahy awpa ta hnabeiseihpa a châ. Chatanachata, Puhpa H. Malvina, Hon’ble Chief Executive Member, MADC cha tȃri 15.10.2022 (Pachynoh) khata atlȃh kawpa ta Siaha a kaw tlô.

 

ISSUED BY:

Information & Publicity Department

Mara Autonomous District Council

Siaha.