PRESS RELEASE

NO.165/2022

SIAHA, 29 Phiata, 2022, Pachynoh - Atazâ dawh 7:00 Pm kha ta Siaha District Football Association (SDFA) pachhuahpanohpa Siaha DFA Fund Raising Concert liata Puhpa H. Malvina, Hon'ble Chief Executive Member (CEM), MADC cha Khichhailaipa châpa ta Siaha District Women Football Team Jersey a palahâh. 

Târi 15.11.2022 pa ta Siaha liata Inter District Women Football Tournament vaw tlô awpa apatohpatiana châta  SDFA chhithatuhpazy ta Fund Raising châta Concert pha kawpa Khaihra Hall, New Colony, Siaha liata ama pachhuahpanoh.

He liata Siaha District Vyuhpa ta Women Football Team zy Jersey palahâh awpa ta Puhpa H. Malvina, Hon'ble CEM, MADC cha Khichhailaipa châta hruapa a châ.

Khichhalaipa Puhpa H. Malvina, Hon'ble CEM, MADC ta Siaha District Vyuhtuapa Team Jersey cha he hawhna heta a palâhâh:

1. Home Jersey 

2. Away Jersey 

3. Official Jersey 

4. Fans' Jersey

Fans' Jersey he târi 15.11.2022 hlâvia cha Rs.500/- ta chalei theipa a châ.

Siaha District Women Football Team Jersies palahâh khai tawhta Puhpa H. Malvina, Hon'ble CEM, MADC ta pasyuna bie chyupa a reina liata atazâ daihti phapa apie tuhpa Khazohpa hnoh alyna bie reih ta, SDFA chhithatuhpazy ama pie pasana reithai tlâh a châzie nata Siaha District Vyuhpa Women Football Team zy liata hnabeiseihna a hneizie a reih. 

A reipazao lymâna liata Sports  he Chapaw châ dei châleipa ta Marapa Chanôzy chhaota eima theina papua lymâpa ta, pho hropazy hawh ta hlaotlohna phapa ato thei lymâ hrapa eima châzie reih ta, pari panga theipa liata arâpasua leipa ta Achuna nata Sport liazy ta tlao arâpasua awpa ta zawpi a hrua. 

Târi 15.11.2022 pa ta Siaha liata Inter District Women Football Tournament vaw tlô awpa liata Marasawzy cha amopâ tlâh châpa ta eima hro awpa nata Khichhai deichhyna kyh liazy chhao ta eima theina papua chyu awpa ta zawpi hnoh ta ahawna nata hruana tao ta, Siaha District Vyuhtuapa Team zy khokheina a hlâ.

ISSUED BY:

Information & Publicity Department

Mara Autonomous District Council

Siaha.