PRESS RELEASE

NO.127/2022

SIAHA, 23 Thlarâh, 2022, Chutynoh - Atanoh dawh 11:30 Am kha ta ECM KTP Branch: Bethesda zy ta châbu ama rohpa “VIASA” cha Puhpa H. Malvina, Hon’ble CEM, MADC ta zawpi rei thei awpa ta a palâhâh.

Palâhâhna Programme he Puhpa Laicho Nôtlia, Vice President, BML ta chhihtha ta, Rev. S. Beihruasa, Secretary, ECM KTP HQ ta daihti ziehpa hmâh ta, St. Lalremruata Khithie, Asst. Secretary, ECM KTP HQ ta châbu thâtih reihna (preview) daihti a hmâh. Laihsa Jocelyn Beinôzi Azyu ta mo pakha hlasapa ta zawpi a palôpahawh.

Khichhailaipa Puhpa H. Malvina, Hon’ble CEM chata biereina chyupa hnei ta, Bethesda KTP zy ta châbu pha kawpa, zawpi rei thei awpa ta ama rohpa cha amopâ tlâh ama châ tah ta, hlaotloh kawpa ta ama rohpapua thei vâta alykheina bie hlâ ei ta, châbu hropa chhao vaw roh heih awpa ta ahaw ei ta, zawpi lâ chhao ta he hawhpa tiama kawpa ta ama rohpapuapa châbu he pasôh kawpa ta reih patlô chyu awpa ta ahawna a tao. CEM, EM nata MDC zy ngâlâh he chi nata pho châta rai a hriapa châ leipa ei ta, KTP zy, NGO zy, mo to ta eima theina rakha chyu hawhta ti nata râh châta rai eima hria thei chyu tah ta, Bethesda KTP zy châbu taopa he Mara chi nata pho hleikhô ta Mara reih pabohsana kyh liata apeimawh kaw tahpa a reih.

Puhpa JB. Chozah, A & CPO, MADC ta biereina chyupa daihti hmâh ta, Mara reih châbu arohtuhpazy châta MADC Art & Culture Department ta hmah ama lana tlâhpipa reih ta, baona ama piepa kyh chhao a reih hra.

Puhpa H. Sawma, President, ECM KTP Branch: Bethesda ta alynabie reipa ta programme he pachhâsapa a châ.

He “VIASA” châbu he tho 152 liata rohpa he Bethesda KTP chhôh tawhta ama rohpa châ ta, MADC BML office liata Bu kha ta Rs.150/- ta chalei theipa a châ.

Puhpa H. Malvina, CEM zachhihpa he Puhpa ST. Vanmalsawmliana, EM i/c Sports ta a chakaochahlâh.

ISSUED BY:

Information & Publicity Department

Mara Autonomous District Council

Siaha.