PRESS RELEASE

NO.170/2022

SIAHA, 5 Phiapi, 2022, Pachynoh - Puhpa Puhpa H. Malvina, Hon'ble CEM, MADC ta 12th Term MADC liata CEM a vaw châ tawhta a ei kha nawpa ta noh 2 chhôh ta a bia khôtho lâ siepapuapa ta Siaha nata Laki likawh liata khih thokha - Amôbyuh 'V', Amôbyuh 'B', Theivâ, Tipa, Zyhno, Khopai nata Laki zy a tly. 

Zâhnia târi 4.11.2022 pa ta Siaha tawhta athao ta, Amôbyuh Vaihthie, Amôbyuh 'B', Zyhno, Khopai nata Laki khihzy tlypa ta Laki liata â rie. A siena lâ ta Amôbyuh Vaihthie, Amôbyuh 'B' liata Pawpi ri chhao ta vaw dypa ta thopi nata ahmie pahâh kawpa avaw chhuanohpa ei ta, khitlâh nôpaw nata NGO zy ta ama vaw dy. Puhpa K. Thlalo, DAO, Tipa ta mypati vaw taopa ta, Tipa liata DAO office nata Forest Rest House tly pâpa a châ; Zyhno liata nôpawzy pawpi ri hleikhô ta apakyhna daihti pha kawpa vaw taopa ei ta, my pati amâ vaw chhuanohpa pâ hra.

Zyhno liata VC sâ 3 nata All NGOs zy ta Tisi chavâh liata Company lâ tawhta alô lana kyh liata rairuna amâ tyhpazy tlôkheipa ta apakyh heih hra ei ta, Puhpa H. Malvina, Hon'ble CEM chata a theina hawhta ama rairuna pathlâ khei a chhuah tahpa a reih.

Khopai liata khihtlâh nôpawzy ta vaw dy ei ta, biereina daihti pha kawpa ama vaw taopa hleikhô ta zâpati pahâh kawpa amâ chhuanohpa hra.

Laki khih angia no ta dyna Gate rônah kawpa vaw taopa ei ta, Marapazy ryureina MADC liata nôpaw chaipa ama khih â vaw ngia theipa cha aly kawpa nata palôtlâh chhih kawpa ta pawpi ri chhao ta ama vaw dy. Laki liata zâpati amâ vaw chhuanohpa cha zawpi ta niepa a châ khai tawhta azo lâ ta MTP Hall liata programme pha kawpa vaw taopa ei ta, he liata Hon'ble CEM hleikhô ta Puhpa TA James Riatha, Hon'ble EM i/c LAD nata Puhpa FC. Zase, Treasurer, MDCC HQ, Siaha zy biereina chyupa ama hnei hra. He zâ he Laki liata ariepa a châ.

Atamy kha Khôpai liata my pati avaw chhuanohpa ei ta, Tipa liata my pati amâ vaw chhuanohpa hei hra. Tipa Traffic Point liata dyna taopa ta siku hawti nata khitlâh nôpaw, NGOs zy ta arônah kawpa ta vaw dy ei ta, reception pha kawpa taopa a châ hra. Programme ahmâ khai tawhta Tipa khitlâh nôpawzy ta mypati amâ chhuanohpa cha DAO Quarters liata dôhpa a châ.

Avaw liena lâ liata Theiri liata nôpawzy ta Thopi amâ vaw chhuanohpa dopa châ ta, he khai tawhta Theivâ pangaipa ta, khitlâh nôpaw nata NGOs zy ta MTP Hall liata pawpi ri chhao ta vaw dy ei ta, programme chyupa ama taopa ahmâ khai tawhta khitlâh nôpawzy ta zâpati amâ chhuanohpa cha aly kawpa ta dôh chyupa a châ.

A tlyna khito lia maih ta biereina hnei laih ta, Mara zawpi ta 12th Term MADC â vaw dua thei nawpa ta thlah eima chhâhpazy cha Abeipa ta miah chyh-ei ta, atahmâ ta paduapa sawhkhâna he party sâkha eih châ leipa ta, Marapazy eih - zawpi sawhkhâ a châ tahpa reih ta, 12th Term MADC sawhkhâna â vaw dua tawhta hmahlana tlâhpipazy hleikhô ta Project hluhpi ama tao hapazy nata hlaotlohna a y hapazy report pie pâ laih ta, cha nahzy hry liata MDC Nominated Seat sâ 3 eima hneipa sâ 1 hia baichhipa a hlaotloh hapa zy, MADC nôpawpazy duahmno pasâh via nawpa ta Order of Precedence tao pathi awpa ta ahawna hawhta a hlaotloh hapa kyh zy, Opposition leader, EM zy hawhta room no-eih piepa hleihkô ta motor nata personal branch piepazy, MADC ta a hnei beih leipa Dy. CEM châna taopazy, Mara thyutliazy ta pari theipa tawhta amâ vaw boh thei nawpa ta sports liata hmah lakhei ngâhaipa nata Football Academy padua hapazy, Kaochao-Phura-Tolako (KPT) Road thlai taopa a châ thei nawpa ta hmah ama lapa a hlao tloh hapazy, Mararâh liata notla lâ he chichei bialo nata âhnalasi a pha viana su a châna hawhta lâthlôh (Road) phapa eima hnei thei nawpa ta hmahlapa ta tahmâ cha Lâpi laipa Lômasu-Lôpu-Laki-Zyhno-Chakhei-Lôbô tawhta Mawrâh, Myanmar râhri adaih lâ siepahliepa ta Manipur râh lâ angia awpa a vaw pua awpa vâta Kaladan Multi-Modal Transit Transport Project lâpi apazao awpa Lômasu dady Beinô liata Hleidy dao awpa ground sourvey hnei ngâhaipa zy reina hnei ta, 12th Term MADC he Mararâh aparao tuhpa châleipa ta atao pathi tuhpa nata nôpaw hmiatupazy tao chhâhchabâhpa hmo phapa tao pazao lymâ awpa achhuahpa a châ zie zy reih ta, 12th MADC sawhkhâna he Mararâh zawpi sawhkhâna a châna hawhta Mara zawpi ta deichhy lymâ awpa ta Mara zawpi hnoh ta ahawna a tao.

Puhpa H. Malvina, Hon'ble CEM chata khito liata avaw dy tuhpa school hawti, NGOs, Khitlâh nôpaw nata VC zy hnoh ta alynabie reih ta, thopi ahmie chhaota nata my/zâ pati pahâh kawpa avaw chhuanohtuhpa zydua hnoh ta alynabie reih ta, reception rônah kawpa avaw taopatuhpa nata daodo kawpa nata pasô kawpa ta avaw deichhy tuhpa zydua hnoh ta alynabie a reih hleikhô ta he khitlyna liata tha nata zâh, sôh nata piah avaw pasaih tuhpa zydua hnoh ta alynabie reih ta, ano achakaochahlâ tuhpa Puhpa TA. James Riatha, EM i/c LAD, Officials azipazy, party vyuhpa ta azipazy nata artiste zy hnoh ta alynabie  areih.

Hon'ble CEM he Puhpa TA. James Riatha, EM i/c LAD ta chakao chahlâ ta, Officials tawhta 1. Puhpa Jimmy N. Lalramdina, ACF, 2. Puhpa Beirokhu Beita, I & PO, 3. Puhpa Syuhlô Beichakhei Mara, PS to CEM, 4. Puhpa Lalnunfela, PSO to CEM, 5. Puhpa T.Pabua, Cameraman zy ta zi ei ta,  MDCC HQ, Siaha tawhta 1. Puhpa FC. Zase, Treasurer, 2. Puhpa AZ. Chokhai, GS, 3. Puhpa JT. Valbuanga, GS, 4. Puhpa K. Nawchho, Secretary, 5. Puhpa BL. Syuhlo, Secretary, 6. Puhpa V. Beihmosai, Secretary, 7. Puhpa P. Bohia, Secretary, 8. Puhpa KT. Vaha, Secretary, 9. 

Puhpa S. Laikhai, Secretary & Chairman, Media Cell, 10. Puhpa H. Beinopatha, Vice President, NSUI, 11. Puhpa H. Ryulai, EC Member, 12. Puhpa V. Chozah, EC Member, 13. Pihnô S. Pawlisia, Mahila, 14. Pihnô Lawmlaii, Mahila, 15. Pihnô Vanlalhriati, Mahila, 16. Pihnô S. Rakheli, Mahila zy ta zi ei ta, Artistes Pihnô S. Ngodei, 2. Ls. B. Priskily, 3. Ls.H. Hmingchhuanawmi zy ta ama zi thei hra.

ISSUED BY:

Information & Publicity Department

Mara Autonomous District Council

Siaha.