PRESS RELEASE

NO.135/2022

SIAHA, 1 Phiata, 2022, Pachynoh - Atamy dawh 8:00 Am khata SDFA Playground, Meisatlâh liata Puhpa H. Malvina, Hon'ble Chief Executive Member (CEM), MADC ta 1st inter Sixth Scheduled Councils Premier Football League-2022 (ISPL-2022) liata Team Maraland (MADC vyuhpa Team) Player zy hnohta pasyuna bie pha kawpa a reih. 

Puhpa JH. Beihnai, Sport & Youth Officer, Department of Sport & Youth Services, MADC nata a hrialâhpazy chhihthana ry liata he daihti pha kawpa he hmâpa châ ta, Puhpa ST. Vanmalsawmliana, Hon'ble Executive Member i/c Sports, etc. nata Puhpa K. Chhihrau, Executive Secretary, MADC zy, Puhpa VT. Martin Vabeiduakhei, President, SDFA zy chhaota pasyupalina bie pha kawpa ama reih hra. 

Puhpa H.Malvina, Hon'ble Chief Executive Member, MADC ta zâlâ dawh 4:30 Pm pa ta CEM’s Bungalow, Siaha liata 1st ISPL 2022 liata MADC vyuhtuapa a sie awpa Team Maraland Jersey a palahâh haw hra.

He Jersey palahâhna lia heta Puhpa JH.Beihnai, Chairman nata Sport & Youth Officer, MADC ta thai kawpa ta chhihtha ta, Puhpa ST.Vanmalsawmliana, Hon'ble Executive Member i/c Sports etc. ta Away Jersey palahâh hra ta, Puhpa John Beizachhi Phuto, President, MHP ta thai kawpa Hlasana a hnei.

Pihnô T. Vanlalsawmi, w/o Puhpa H.Malvina, Chief Executive Member ta Puhpa John Beizachhi Phuto hnoh ta Hmosai pha kawpa piena daihti hmâh ta, Puhpa K. Chhihrau, Executive Secretary, MADC ta pasyuna bie pha kawpa nata alyna bie reina daihti pha kawpa a hmâh hra. 

MADC nôpawpazy nata SDFA chhihthatuhpazy ta MADC vyuhtuapa Team Maraland hnoh ta khokheina hlâ ei ta, Abeipa ta byhnâ maniah pie lymâ awpa ta hnabeiseihna kha ama hnei.

1st ISPL-2022 he Bodoland Territorial Region (BTR) ta host aw ta,   târi 9th October, 2022 pa ta pathaopa ta noh 14 chhôh ô awpa a châ. India râh liata Sixth Scheduled Councils zydua ahlao awpa a châ.

ISSUED BY:

Information & Publicity Department

Mara Autonomous District Council

Siaha.