PRESS RELEASE

NO.182/2022

SIAHA, 19 Phiapi, 2022, Pachyhnoh - Puhpa H. Malvina, Chief Executive Member, Mara Autonomous District Council ta Fisheries Department, MADC he ano Portfolio atotuhpa a châna lâ tawhta  Fisheries Demonstration Farm cha a hrialâhpa Puhpa TA. James Riatha, EM i/c LAD, etc. MADC nata  Puhpa ST. Vanmalsawmliana, EM i/c Sports, MADC zy nahta a su liata ama za tly.

Puhpa H. Malvina, CEM chata atanoh a su liata a za tlypa cha atahmâ ta Farm House ama hmâh ngâhaipa he paroh kaw bâ ta, a thiehpa ama peimawhzie za hmô ta, sôh nah thih â rypaoh pataw nahta hmahla â chhuahzie Puhpa HC. Ngachhi, FDO hnohta a chho.

CEM chata Fishery pond he sôh nah thih â rypaoh tita yzie hnei via ta pangiapachâ awpa ta FDO chho ta, cha hleikhô ta Farm mathi liata speedboat zy taih soh thei awpa ta hmahla â chhuahzie a reih pâ heih hra. A hrialâhpa EM pano aza zi theipazy chhaota CEM biepahruapa (propose) pa  amâ pyhkheizie ama reih hra. Farm pangaina lâthlôh âraopa Hitachi hmâpa ta ama chhiah ngâhaipa chhao a moh pâ hra. 

Puhpa H. Malvina, CEM, MADC he Official lâ tawhta Puhpa HC. Ngachhi, Fishery Development Officer (FDO), Puhpa Syuhlo Beichakhei Mara, PS to CEM, MADC,  Puhpa Pawsa Lava, AITO, Puhpa J. Silvana, AFO,  Puhpa Dixon, PA to EM (Sports), Puhpa T. Pabua, Cameraman nata Fisheries Department Staffs, MADC zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.