PRESS RELEASE

NO.60/2022

SIAHA, 18 Chhiepa, 2022, Pachynoh - Zâhnia Chutynoh kha Puhpa H. Malvina, CEM, MADC ta 12th Term MADC General Election khai tawhta a ei kha nawpa ta a bia Phura Constituency a tly.

Siaha tawhta Laty chapiapa ta siepa ta Laty khih nôpawzy ta thopi pahâh kawpa ama vaw palôh dy.  Palâ zawpi ta dyna gate rônah kawpa vaw taopa ta pawpi chhao ta vaw dy ei ta, public meeting ama vaw taopa hleikhô ta my pati amâ vaw chhuanoh pâ. He public meeting lia he ta Puhpa H. Malvina, CEM zachhihpa ta pasyuna bie pha kawpa nata alynabie reina daihti hmâh ta, Puhpa M. Manasia, Dy. Chairman ta biereina chyupa a hnei.

Phura liata khihsaw zawpi ta vaw dypa ta Puhpa Malvina, a lahpinô nata a sawchapawpazy asyna taopa ta gate taihta asy ei ta, gate lia he ta pawpi hlâna nata palyupalina ama hnei. He khai tawhta Bazar shed public meeting hnei pazaopa châ ta, biereina, pho lâ nata hlasapa (solo) zy ta alykheina Programme ahmâpa a châ.

Siaha lâ tawhta azupa Puhpa Biakcheuva, EM i/c E & F,   Puhpa Beihruakhai, EM i/c Agri., Puhpa FC. Zase, Treasurer, MDCC, Headquarters: Siaha zy ta biereina chyupa nata alykheina bie reih ei ta,  Puhpa NT. Thatlua Ex-MDC, GS

ta MADC Officials nata MNF District HQ tawhta CEM zachhihpa azipazy hmiapahnosana hnei ta, MDCC Headquarters: Siaha tawhta Puhpa T. Essa, General Secretary ta MDCC Headquarters: Siaha tawhta azipazy hmiapahnosana a hnei.

Puhpa H. Malvina, CEM zachhihpa ta Public Meeting liata a bierei tlâhpi viapazy:-

1. Ahmiatua ta atanoh daihti pha kawpa miah pie tuhpa Khazohpa hnoh ta alynabie reih na ta, miah vaw dy tuhpa zydua hnoh ta palôh hmeiseihpa ta alynabie ei reih.

2. Election khai tawhta hmiapasah byuhpazy buakhei tuapa ta, atanoh daihti liata bia lâ liata alynabie rei awpa ta ei zu hawh-na kyh liata bia zawpizy pachâthaina ei châ haw ei.

3. MADC term 12-na election liata party to ta arâpasua chyu pi ta, games hawhta hlaotlohpa nata hlaotloh leipa eima y vâta hlaotlohpazy alykhei thai awpa apeimawh kaw. 

4. Election a vaw chhâ ha tawhta cha Party a iekhyhna y khao leipa sa la, zawpi hluh via sawhkhâna he apyh thai si la, Awnanopazy ta sawhkhâna apih thei nawpa ta thlah miah ama chhâkheipa hawhta a vaw pihpa sawhkhâ thiehpa he zawpizy ta Abeipa ryhraopa, Abeipa pahno kheipa sawhkhâna a châna hawhta he sawhkhâna he eima deichhy awpa apeimawh hmeiseih. Opa lyuhri, laikathi laikachha adyhryh leipa ta y leipa ei si la; eimâ tlyh hapazy cha party eih châ leipa ei ta, zawpi eih ama châ tahpa palôru phao chyu awpa ta eimâ hrua.

5. Khazohpa ryraona pahno thai’pa châ leipa ta, keima asia lei chaipa nata atloh lei chaipa chhao he Khazohpa ta sathaw eina thu hapa vâta, bia zawpi ta einâ pyh awpa ei chi ta ei châ haw ei.

6. Chô lâ châta ngâchhih kawpa ta hria awpa he peimawh hmeiseih ta, kheihawhpa nietluana, khihsa tôhtuna nata sôhpaliena zydua liata chôlâ ta miah pahnokhei lymâ sa la tahpa eimâ pasyu hmeiseih.

7. Khazohpa nata nâmo zawhzi ta he duasu liata aduah theipa ei châ; ei reih chanei khoh kawpa cha - Mararâh zawpi ta sawhkhâ â dua thei nawpa ta thlahchhâ ei ta, keimo he Khazohpa ta thlahchhâ miah a chyh-eipa a châ tahpa ei pyh.

8.  Marasaw zawpi moral he tao pathi eimâ ngiah hmeiseih, rai hriana kyh lia chhao

Khitlâh nata râh hmahsie nawpa kyh liata chhao zawpi he eima peimawh hmeiseih; hriapasana kyh liata keih chakâ via heih awpa ta eimâ haw.

9. Achhâ chaina liata kyhpachâna chô ta vote sôh ngaitapa nâ pie tuhpa Kiasie nata Phura zawpi zydua hnoh ta alynabie cha hlâ ei na ta, eina deichhy pazao lymâ awpa ei chi ta ei châ haw ei.

Puhpa H. Malvina, CEM zachhihpa ta biereina a hnai khai tawhta a ry liata palâsapa bie hmâpa ta Slogan awhna pahrua ta, zawpi ta Slogan awh-na hneipa a châ:

“Phura vaih nata tlâh liata Zisu Krista abeichai mawh sy;

Phura vaih nata tlâh liata sapa nata thlahpa byhnâ vaw tlô mawh sy.”

Puhpa H. Malvina, CEM zachhihpa he Puhpa HC.Biakcheuva, EM i/c E & F, Puhpa Beihruakhai, EM i/c Agri.,  Puhpa M. Manasia, Dy. Chairman, Puhpa Thaly T. Azyu, CF, Puhpa Beirokhu Beita, I & P.O, Puhpa Syuhlo Beichakhei Mara, PS to CEM, Puhpa N.Moho, ASO, Puhpa Ricky V. Beiratha, Head Surveyor, Puhpa .Silvana, AFO, Puhpa T.Pabua, Cameraman, Puhpa Hav. Lalnunfela, PSO to CEM nata E&F Department staff thokha ta zi ei ta, a lahpinô Pihnô T. Lalnunsawmi nata a sawchapaw Jonathan ta zi thei hra ta, 

MDCC Headquarters: Siaha tawhta Puhpa FC. Zase, Treasurer Puhpa. T. Essa. Gen, Secretary, Puhpa. S. Laikhai, Secretary, Puhpa. N. Alfred. Secretary,  Puhpa. BL. Syuhlô, Secretary, Puhpa Dr. Robinson, Khithieh Exe. Member, Puhpa. H. Beinopatha, Exe. Member,  Laihsa. Lalzawnsangi, VC Member, Council Vaih, Siaha, Pihnô Lawmlaii, Fin. Secy. Mahilla, Pihnô Lalhriatpuii. Asst. Secy. Mahilla, St. Puhpa Abie Nôtlia, Member, Media Cell, Puhpa S. Beilonga. Exe. Member, Puhpa. A. Beireitha, Active Member,  Pihnô Lalvenpuii, Exe. Member. Mahilla zy ta ama zi.

MNF District HQ, Siaha tawhta Puhpa NT. Thatlua Ex-MDC, GS nata Puhpa CL. Hranga, Secretary zy ta ama zi thei hra.

ISSUED BY:

Information & Publicity Department

Mara Autonomous District Council

Siaha.