PRESS RELEASE

NO.155/2022

SIAHA, 19 Phiata, 2022, Pakhynoh – Atakô MPSC ta Combined Competitive Examinations 2022 result a papuapa liata Marasaw 2 (pano) tlai hlaotlohna phapa ama vaw topa alykheina programme cha Puhpa H. Malvina, CEM, MADC nata a hrialâhpazy chhaota a office chhôhpadâh (chamber) liata alykheina ryuchâ (citation) nata sôh Rs.10,000 (thykha) rairie ama hlâ.

He alykheina programme lia heta Puhpa N. Viakhu, Chairman, MADC, Puhpa M. Manasia, Dy. Chairman, MADC nata Puhpa K. Vanlalliana, Court President & Recorder, MADC zy ta pasyunabie pha kawpa reina ama hnei.

Marasaw tawhta hlaotlohna atopazy Satlia KC. Zalena, S/o KC. Lalduhsanga, Chhaolô, Mizoram Civil Service (MCS) nata Laihsa K. Ngôsai, D/o K. Hrahmô, College Vaih, Siaha, Mizoram Information Service (MIS) liata hlaotlohna atopazy palôh hmeiseihpa ta ei châ lykhei ei tahpa ta Puhpa H. Malvina, CEM, MADC ta a reih.

Satlia KC. Zalena he Aizawl lâ a sie hapa vâta a vyuhpa ta â puhpa N. Zatlua he alykheina programme he â vaw hlao.

ISSUED BY:

Information & Publicity Department

Mara Autonomous District Council

Siaha.