PRESS RELEASE

NO.28/2022

TIPA, 17 Pamih, 2022, Pobienoh – Atanoh dawh 12:00 PM liata Tipa ‘V’ MADC DAO Office kiâpâh liata MADC Forest Rest House sa thiehpa cha Puhpa FC. Lawmkima, E.M i/c Forest etc. MADC ta ribbon chakiepa ta a pahy.

Pahyna Progamme he Puhpa Thaly T. Azyu, CF, MADC ta chhihtha ta, Rev. Jimmy F. Sachai, ECM Tipa biatuhpa ta devotion a hmâh. MTP Branch: Tipa Bazar zy ta Opening Song sa ei ta, Puhpa Thaly T. Azyu, CF, MADC ta Technical Report a pie.

Chief Guest Puhpa FC. Lawmkima chata biereina chyupa hnei ta, he hawhta Mararâh khihpi sâ 2-na nata MADC Sub-Headquarters su Tipa ‘V’ liata MADC Environment & Forest Department ta Rest House pha kawpa eima vaw hnei theipa he â ly zie reih ta, Department lâ alynabie a reih hleikhô ta, Department HoD Puhpa Thaly T. Azyu, CF hnoh ta alynabie a reih. He Rest House he tlôkiana châta pha kawpa a châna hawhta a tlô tuh awpazy ta azipa palôh phaopa ta a phana lâ ta hmâ phahnai achhuah chyu awpa ta ahaw ta,  hmopha leipa tao nawpa su nata ahryuchhiana su châta pachâsa lei awpa ta ahawna chhao a tao hra.

Puhpa K. Siakhai, Adviser to CEM, MADC, Puhpa T. Seido, Dy. Chief Whip, MADC, Puhpa K. Lalnuntluanga, President, MTP Sub HQ zy ta biereina ama hnei chyu hra.

Laihsa JH. Etheli Beiryungia, Mara Idol Idol 2021 Top 10 ta hlasapa ta zawpi a palôpahawh.

Daihti chhâna lâ liata Chairman Thaly T. Azyu, CF ta Vote of thanks reina a hnei.

He Forest Rest House he chhâh 2 ta paduapa châ ta, a ry chhâh liata beih chhona, atyupahmaohna nata amôna room sâ 1 y ta, a chô chhâh liata amôna room sâ 4 a y.

14th Finance Commission tawhta fund hmôpa Rs.7.38 Lakhs ta pathaopa châ ta, GIA nata MADC Revenue tawhta Rs.12.62 rachhôh baichhipa ta Total Rs.20.00 Lakhs rachhôh ta he Rest House he sa patlôpa a châ.

He programme he COVID-19 hripipa avaina châta sawhkhâ SOP & CAB zy zyna chô ta ahmâpa a châ.

ISSUED BY:-

Information & Publicity Department

Mara Autonomous District Council

Siaha.