PRESS RELEASE

NO.128/2023

SIAHA, 9 Thlarâh, 2023, Pachynoh - Atanoh zâlâ dawh 3:00 Pm kha ta Truck Owners & Drivers Association zy ta Tiefer - Motor paraina ri (Recovery Tow Rope) thiehpa ama hneipa alyna programme tao ei ta, he liata Puhpa Beirahmo Syhly, EM i/c RD, MADC cha a viasanô Pihnô Patricia T. Azyu, Social Welfare Officer, MADC chhao ta programme a hmâkhei.

Programme he Puhpa Adina, President O, Meisatlâh, Siaha liata ahmâpa châ ta, Puhpa B. Chhuahlu, Vice President ta chhithha ta, JVAC President PC. Lalhmingthanga ta devotion a hmâh.  

Puhpa Beirahmo Syhly, Hon’ble EM ta biereina chyupa daihti hmâh ta, driver zy hnoh ta paritheipa liata asohsi awpa ta pasyu ta, passenger-zy hrona cha driver ku liata â pahniehzie zy nata driver-zy maophaohna â sâhzie a reih. Chakheihlô ta Truck owner-zy ta Association châta Office ama sa ti ta a theina hawhta mokhei â chhuah awpazie zy a reih hra.

Pihnô Patricia T. Azyu chhao biereina chyupa hnei ta, pasyupalina bie pha kawpa reina a hnei hra. Puhpa K. Lalhmangaihliana, Chairmam, Mizoram Communication Vehicles Union, Siaha ta biereina chyupa daihti hmâh hra ta, Puhpa LV. Beichhysa, Secretary ta Report nata Vote of Thanks a reih.

Atanoh liata alyna ama hneipa Motor Paraina ri he Rs.75,000/- mâpa, meter 200 aseihpa châ ta, Puhpa Beirahmo Syhly, EM ta â tôhpa a châ.

ISSUED BY:

Information & Publicity Department

Mara Autonomous District Council

Siaha.