PRESS RELEASE 

NO. 102/2025

SIAHA, 27th Thlazoh, 2025 (Pakhynoh): Atanoh zâlâ dawh 2:00 PM khata Puhpa Beirahmo Syhly, EM i/c RD, etc., MADC ta Rural Development Department Office thiehpa a pahy. Rural Development Department Office thiehpa he MADC Golden Jubilee Hall ry liata a y.

Pahyna programme he Puhpa HC. Beikhai, RDO, MADC ta chhihtha ta, Puhpa Rakhu Chozah, AE, MADC ta technical report piena hnei ta, Puhpa Thati, Cashier, RDD ta expenditure report piena a hnei.

Puhpa Beirahmo Syhly, EM chata, "Sô nah thih rairu kawna chôta, Puhpa HC. Beikhai, RDO nata a hrialâhpazy hmahlana nata tiamana, hriapasana vâ deita ta, RDD ta Office thiehpa hnei theipa a vaw châpa he HoD nata a hrialâhpazy chô liata alynabie ei reih hmeiseih," a tah.

"Rural Development Department he thotlâh (rural) chyhsa ama châ vaw daoh daihti liata, nama polite kaw awpa a byuh. Office parohpa liata nama y nota polite veih ei chi ei tahna châ leipa ta, office thiehpa vaw tlôh ha ei chi ta, Office parohpa liata nama y no hlâta nama polite via heih awpa a byuh," a tah.

EM chata, "Thotlâh tawhta avypa hluhpi ta RDD office vaw pangaipa ta ama châ vaw daoh daihti liata daotheinazy nama hnei lymâ awpa a peimawh ngaita kaw. Tiama kawpa nata ngâchhih kawpa ta raihria lymâ u la, hriapasana nata adona lia hetana byhnâ a y e tahpa he my khah ei suh u," tahpa ta atanoh programne a vaw hlao theipa zydua hnohta pasyunabie a reih.

Puhpa J. Jeffrey Khara, Moonlight Editor chhaota pasyunabie pha kawpa reina a hnei hra.

Puhpa S. Vahro, HA, RDD, MADC ta vote of thanks reina a hnei khai tawhta Abeipa thlahchhâna (The Lord's Prayer) reihparaohpa ta daihti pachhâsapa a châ.

Daihti pachhasâ khai tawhta, Office thiehpa pahyna châta zâlâ pati aly kawpa ta dôkhohpa a châ.

ISSUED BY:

Information & Publicity Department

Mara Autonomous District Council

Siaha.