PRESS RELEASE

NO.15/2022

SIAHA, 9 Hmypi, 2022, Pakhynoh – Atanoh dawh 11:00 Am khata AH & Vety Department, MADC nata Shubhaan Foundation ta ama pachhuahpanohpa Rising Siaha Pig Insurance and Tele Medicine Awareness Programme cha Farmers Training Center, MADC Complex, Siaha liata Puhpa Beirahmô Syhly, EM, i/c AH & Vety etc., MADC ta a hmâkhei ei.

Programme he Puhpa J. Beirahnei ta chhihtha ta, Rev. S. Vabeikhokhei, Assistant Professor, MTC ta Devotion hnei ta, thlahchhâna ta daihti a pathao. Shri Delson Nôtlia, National Secretary, Minority Morcha, BJP, Delhi, Dr. H. Vanlalhmuliana, Senior Scientist & Head, KVK, Siaha nata Dr. Beizakaw Vytuchhô, V.O, MADC zy ta biereina nata pasyuna bie pha kawpa reina ama hnei hra.

Shri S. Nandei, Founding Member, Shubhaan Foundation ta Pig Insurance hnei peimawhzie reih ta, Pig Insurance tao awpa heta vao vaccine la tua awpa byuh ta, vaccine la khai tawhta a nahkao (Ear) liata ngiana Ear Tag (Insurance Ear Tag) pangai awpa châ ta, vao a vaw thi khiahta cha insurance claim theipa a châ a tah.

Chief Guest Puhpa Beirahmô Syhly, EM, MADC biereipazy:-  

Eima râh liata Vao zao tyh hra pi ta, vâduana vâta thata thi tyh ei ta, Pig Insurance eima tao tlâ leipa vâta Insurance claim thai'pa châ leipa ta, tahmâ deikua cha AH & Vety Department, MADC nata Shubhaan Foundation siepahliepa ta Pig Insurance a tao thei ha bâ aw ta, aly'pa a châ hmeiseih. Atanoh ta Rising Siaha Pig Insurance and Tele Medicine Awareness Programme AH & Vety Department, MADC nata Shubhaan Foundation ta ama vaw pachhuahpanohpa he Mara zawpi ta eimâ thôhkhei cheingei nahta ei hnabeiseih. 

Mararâh liata vao azaopazy pi ta Pig Insurance he pachâ peimawh ta, eima vaozy insure khai awpa ta ei châ haw ei. Mara zawpizy pi heta Vaosa khoh kaw sai pi ta, a châhta la a pato hmâ  ty mapi. Vao zao sala ei zua hlâ ta or api ei patloh hlâta vaw thi tlamaw sala tah ta, keimo liata china nata zao ngâh leina riachhiena a vaw y tyhpazy kha atahmâ tawhta la chi khao leipa ta, riahpha kawpa ta eima zao ngâh ha bâ aw. 

A chhâchaina liata cha vaw reih chanei hei sala, AH & Vety Department, MADC nata Shubhaan Foundation siepahliepa ta Pig Insurance a tao thei hapa vâta Siaha District liata a pahrâpa zydua vao Pig Insurance taokhai awpa ta ei châ haw ei.

Ei châ ly kaw ei.

ISSUED BY:

Information & Publicity Department

Mara Autonomous District Council

Siaha.