PRESS RELEASE

NO.13/2022

 

SIAHA, 02 Hmypi, 2022, Pakhynoh – Atanoh my dawh 11:30 AM khata COB Assam Rifles zy ta Limb Replacement Camp ama pachhuapanohpa cha Circuit House, Siaha liata Puhpa Beirahmô Syhly, EM, i/c Sport & Youth Services etc., MADC ta a hmâkhei ei.

 

Limb Replacement Camp hneina lia heta District hro lâ tawhta Lôlei (Lunglei) District nata Lytai (Lawngtlai) District tawh chhao ta amâ vaw hlao hra. District hrola tawhta a vaw tlôpa tlôkiah n'awpa (accomodation) he MADC ta a baokhâ hra ei. 

 

Puhpa Beirahmô Syhly biereipazy:-  

 

Brigadier Shri. Digvijay Singh DIG (Sena Medalist) Assam Rifles, Aizawl,   Shri Major Deepak Tiwari, Medical Teams, atlâhleipa (Patients) nata Government Official lâ tawhta â vypa zydua Chief Executive Member, Mara Autonomous District Council nata Mara zawpi vyuhpa ta ei châ naoh ei.

 

Mararâh khihpi Siaha liata Brig.Shri.Digvijay (DIG), Medical Teams, Officials nata atlâhleipa (patients) zy chhao ta Medical Camp eima vaw hnei khoh theipa he aly  âchhih hmeiseih.

 

COB Assam Rifles zy ta Limb Replacement Camp ama pachhuapanohpa liata bierei thei awpa ta ei vaw duah theipa he ei ly hmeiseih.

 

India liata remote area liata ypa Siaha khihpi liata he hawhpa Medical Camp eima vaw hnei theipa he Ministry of Home Affairs, Gov’t. of India khokheina nata hmahlana COB Assam Rifles sipahliepa ta eima vaw hnei theipa he aly âchhih hmeiseih. COVID-19 nata eima chheipâh liata pahrâpazy Myanmar buana hryta he hawhpa Limb Replacement Camp Siaha liata eima hnei theipa he COB Assam Rifles-zy contribution rônah kawpa a châ tah lei thei ma pi. Eimâ ly hmeiseih.

 

Assam Rifles nahzy he eima râh châta National Security or Defence ama châ hleikhô ta, he hawhpa hmo phapazy miah taopa ei ta, aly pi ta, keimo tlârâh liata a ypa nah pi châta viasa pha chaipa ama châ. Assam Rifles pachhuahpanohpa Limb Replacement Camp he Mara zawpi châta la palôh pathyusana (inspiration) nata hrozie nôchâ phana (good moral) miah pahneisatuhpa a châ cheingei nahta ei pangiasa.

 

Atanoh he Camp eima vaw hneipa rypaohna vaw la pâ tua sala, Army Rally avaw y awpa lia heta Brigadier Shri. Digvijay DIG heta Marasaw remote area liata ypa châ pi heta Seat reservation-zy, Sainik School-zy, Sainik Regional Office-zy, Schemes nata training zy he miah pachâpa thei sala eimâ ly kaw aw.

 

Ei châ ly kaw ei.

 

 

ISSUED BY:

Information & Publicity Department

Mara Autonomous District Council

Siaha.