PRESS RELEASE

NO.11/2023

SIAHA, 20 Nawh, 2023, Chutynoh - Atamy dawh 11:30 Am pa ta Deputy Chief Whip thiehpa Puhpa Beihu Nôhro, Tipa-II biatuhpa MDC ta ano â tyu nawpa châta raopa Deputy Chief Whip office room cha Khazohpa lâ pavaosana thlahchhâna a hnei.

He pavaosana programme he ano Puhpa Beihu Nôhro ta chhihtha ta, daihti pha kawpa a pie tuhpa Khazohpa hnoh ta alynabie reih ta, atanoh liata thlahchhâpa awpa ta â hawpa Rev. FC. Beicho ta Devotion hmâh ta, Khazohpa Biehrai Pathaihpa Isai 61:1-4 reipapuana hnei ta, he khai tawhta Biehrei pathaihpa bie atlychakapa ta pasyuna nata bietapa reih ta, Khazohp khozie pachâna chôta râh ryureina chhihtha awpa ta pasyu ta, hrialâhpa likawh liata palôtlâhna y awpa ta raihria awpa zy, Abeipa palôtlâhna kô phuah awpazy,  Rietheipazy hna ngâhna châ awpa zy, arâh ta byhnâ to kô achâ thei nawpa zy, Khazohpa ta eina padua tahpa my leipa ta rai hria awpa zy, Bia pathluana y leipa ta raihria awpa MADC nôpawpazy hnohta chhao ahawna ta pasyuna bie pha kawpa a reih. He khai tawhta luh chahnaopa ta Puhpa Beihu Nôhro châta byhnâ awpa ta thlahchhâna a hnei.

Puhpa M. Laikaw, Hon’ble CEM chhao he pavaona liata ahlao thei ta, biereina chyupa daihti hmâh ta, pasyuna bie pha kawpa a reih hra.

Puhpa Beihu Nôhro, Dy. Chief Whip chata atanoh pavaosana liata avaw hlao theipa a hrialâhpa CEM, EMs, Elected office holders, officers & staff zy nata chhôhkha viasa a vaw hlao theipazy hnoh ta alynabie reih ta, a eihpachaipa ta byhnâ a awpa tuhpa Rev. FC. Beicho hnoh ta alynabie a reih.

ISSUED BY:

Information & Publicity Department

Mara Autonomous District Council

Siaha.