PRESS RELEASE No.9/2021

SIAHA, 27 Nawh, 2021 – Zâhnia târi 26-1-2021 kha ta Eklavya Model Residential School (EMRS), Tipa liata sa ngâhaipa cha Puhpa K. Chhuabei, EM i/c PWD etc., MADC ta a su tlypa ta a mohpasia.

He School O sa ngâhaipa he Northeast Consultancy Services (NECS) ta ama hriapa châ ta, School, Boys & Girls Hostel, Administrative Office, Staff Quarter, Principal Quarter, Warden Quarter, Kitchen & Dining Hall, Laboratory building zy a hnei khai awpa a châ.

Puhpa K. Chhuabei chata Building sa ngâhaipa zydua tlypapua khai ta, pachâna hawh ta rai hmah a sie leipa cha pei a tah zie reih ta, Contractor (NECS) he ta sa patlô patohpa a châ thei nawpa ta hmah la via sa la, atahmâno ta raihriatuhpa he  chyhsa 10 ngâlâh châ ei ta, he hawhta cha rai hmah sie thai awpa a châ lei vâta rai hriatuhpa a hluh via so baichhi awpa ta rai mohôhtuhpa hnoh ta ahawna tao ta, Contractor Puhpa Robert Romawia Royte (NECS) he ta achatlie thei chaina hawhta a sa patlô awpa ta a khozie reih ta, Siaha biatuhpa MLA nata Minister of State i/c Social Welfare Dr. K. Beichhua, Minister thatlô kawpa chhao ta hmah miah la khei awpa ta ei haw a tah hra.

Puhpa K. Chhuabei he School O sa pathao hlâ - târi 11 July, 2017 liata he su he vaw tlypa ta a su a vaw moh pasia. He Residential School sa nawpa râh liata buana bâta a y vâta O tôh khaoh chao pathao awpa liata rairuna y ta, ano CEM i/c noh 2 chhôh a la chhôh ta he râh he pasiapa ta O sa he amâ thao tahpa Puhpa K. Chhuabei ta reih ta, kô 2019 liata ei kha tly heih ta, sa pathaopa a châ tawhta atahmâ tahpa chhao he ei 2 a tlyna a châ.

He School O sa haipa mona liata Tipa-I biatuhpa Puhpa FC. Lawmkima, EM i/c E & F Department, Puhpa T. Seido, MDC, Laki biatuhpa zy ahlao hra ei ta,   Puhpa Jeffrey Khara, Editor Moonlight, Puhpa T. Lalrosiama, Editor, Tipa Express, Puhpa K. Thangvela, Editor, Zobawm zy ahlao hra ei ta, Tipa khih liata VC nata NGOs (MTP Sub-HQ: Tipa, MSO Sub-HQ: Tipa) zy amâ hlao hleikhô ta officials - Puhpa P. Tluasa, SE nata Puhpa Beirokhu Beita, I & PO zy ta Puhpa K. Chhuabei he ama zi.

EMRS O sa ngâhaipa he apôhpalôhpa ta 30-50% ngâlâh ama sa patlô haipa ta, atanoh liata atlytuhpazy hmôna dâh a châ.

ISSUED BY:-

Information & Public Relation Department

Mara Autonomous District Council

Siaha