PRESS RELEASE No.68/2020

Puhpa N. Zakhai, CEM ta Siaha & Tipa QF châta sôh hlâ

SIAHA, 5 Chhiepa, 2020, Chutynoh - Atanoh kha Puhpa N. Zakhai, CEM zachhipa ta Siaha nata Tipa liata Quarantine Facility (QF) ypazy liata inmate y haipazy, Khazonoh my nata zâ amâ hmie awpa chaleina châta tahpa ta Siaha liata beih chhona su zy tlypa ta baona sôh a hlâ ei. 

Tipa liata QF deikua Tipa-I biatuhpa Puhpa F. Lawmkima, EM i/c E & F Dep’t siepahliepa ta hlâpa a châ hra.

He baona pie awpa ta apatohpatia nona he ta Siaha & Tipa QF nano nanopa liata inmates a y haipa zydua 921 amapa ta pahnopa châ ta, mo pakha Rs.300/- hihsâpa ta a zydua ta Rs.2,76,300/- rai papuapa a châ.

He baona sôh he MADC CEM’s Relief Fund tawhta hmâpa a châ.

Mararâh zawpi ta COVID-19 adyuhna châta apeimawhna nata ângiahna liata hmâ awpa ta eima thyupakhypazy pachô pakhy lymâpa châ ta, eima saw - unawh/sietanôzy QF liata a y haipazy ta ei kha chhâ ahmie pahâh viapa amâ hmie thei hra nawpa tahpa ta Puhpa N. Zakhai, CEM zachhihpa nata a hrialâhpazy ta he hawh ta CEM’s Relief Fund tawhta ryhraona ama taopa a châ.

Atahmâno he Siaha liata QF a y pazy châta beih chhona su sâ 15 y ta, Tipâ liata sâ 3 a y nga hai hra. Cha nahzy cha:-

SIAHA:-

1. ECM Local Church: Bethel

2. ECM Local Church: Shalom

3. SIRD, Meisavaih West

4. ECM Local Church: Immanuel

5. ECM Local Church: Meisavaih

6. Joel Public School(ECM Local Church: New Colony)

7. ECM Local Church: College Vaih

8. Gov’t Siaha College

9. ECM Local Church: Ebenezer

10. ECM Local Church: Siahatlâh

11. LIKBK, New Siaha

12. BCM Church: New Siaha

13. ECM Local Church: New Siaha

14. UPC NEI, New Siaha

15. ECM Local Church: Bethany

TIPA:-

1. SSA Hostel, Tipa

2. BRC Hall, Tipa

3. Middle School, Tipa

He Aanano beih chhona su liata beihchhoh tuhpazy he ama Local Church tawhta duty amâ rao chyu hra.

Mo pakha, NGOs, Sawhkhâ rai hriapazy nata Awnanopazy apasaina zawhzi ta CEM’s Relief Fund tawhta he hawh ta sôh rai papua theipa a châ vâta Puhpa N. Zakhai, CEM ta baona sôh avaw thyu tuhpa zydua hnoh ta alynabie a reih.

Puhpa N. Zakhai, CEM he Puhpa Beirôkhu Beitâ, I & PO nata Syuhlô Beichakhei Mara, PS to CEM zy ta ama zi hra.

Issued by:-

Information & Publicity Department

Mara Autonomous District Council

Siaha.