PRESS RELEASE No.60/2020

MADC Education Dep’t ta HSLC Topper Singokhai Chozah alykhei

SIAHA, 26 Patô, 2020 - Atanoh my dawh 11:00 Am liata  atakô 2020 HSLC Exam liata Topper Singokhai Chozah, D/o C. Thahe, New Siaha cha Education Department, MADC ta alykheina ama hnei.

Alykheina Programme he Puhpa K. Hrahmô, EM (i/c Edu.), MADC Office Room liata hneipa châ ta, Puhpa K. Vanlalliana, Sr. Education Officer ta Programme he a chhihtha.

Puhpa K. Hrahmô ta biereina chyupa hnei ta, COVID-19 SOP for Social Distancing vâta chyhsa hluhpi hrua awpa âryh lei vâta nata nohâh y kawpa ta Programme tao awpa â thei lei vâta pei a tah zie a reih. 

“Singokhai he hmialâ a hawti via no tawhta MBBS achu awpa akhoh kaw tyhpa châ ta, atakô Class-X exam liata hlaotlohna a vaw topa he ta ano châta MBBS akaw chu awpa lâpi âkaw pahy pathaopa vâta ei vaw lykhei hmeiseih.”

“Atanoh liata a hlaotlohna he ano mo pakha hlaotlohna dei châ leipa ta a chhôhkha nata Marasawzy hlaotlohna a châ tah lei thei vana; eima hlaotlohna he Khazohpa ngiachhiena vâ châ ta, a nô nata a paw zy hriapasana nata tiamana vâta chhao a châpa ta ei pahno hra na ta, a nô nata a paw zy reithaina tlâh ama châ hmeiseih.”

“MADC Education Department ta HSLC Exam liata Topper zy hnoh ta alykheina châta nata tha patlôna châta Laptop, Rs.40,000/- (tlaw thy palih) hlâta ama nao via leipa hlâ awpa tahpa a vaw pathlupa, eima MADC nôpawpazy ta miah amâ pykheipa hawh ta atanoh he, Laptop nata Citation eima hlâpa a châ.”

“Singokhai he hmialâ a sie lymâ nawpa liata Khazohpa ta y pâ lymâ sala, Mararâh nata Marasaw châta byhnâ vaw châ awpa ta keima nata ei hrialâhpazy ta khokheina eima hlâ.”

He Programme liata Puhpa Judson KT. Zephatha, General Secretary, MSO General Headquarters nata a hrialâhpazy ahlao ei ta, Education Dep’t liata Officer thokha chhao amâ hlao hra.

Issued by:-

Information & Publicity Department

Mara Autonomous District Council

Siaha.