PRESS RELEASE No.53/2020
MADC Office liata raihriapazy nata avaw daoh tuh awpazy pahno awpa pahnosana
SIAHA, 19 Patô, 2020, Hriaheinoh – Puhpa P. Sama, Executive Secretary, Mara Autonomous District (MADC) chata ary liata palâsapa hawh ta Circular No.MADC.54/GAD/2020 of 15th Patô, 2020 hmâpa ta MADC ry liata sawhkhâ rai hriapazy nata Office avaw daohtuhpa zawpizy pahno awpa Circular a papua.
Mara Autonomous District Council chhôh liata Officer nata Staff, Office akiahpa zydua nata adaohtuhpa zawpizy ta atahmâhlâ hri chichhihpa COVID-19 tawhta eimâ boh thei nawpa ta he ary liata palâsapa point zy he zyh chyu awpa ta eimâ pahnosa.
1. MADC Office raihriatuhpa Officer & Staff zydua Office hours liata Hmaopakhy (mask) hmâ chyu awpa a châ.
2. MADC Office chhôh nata achheihpâh liata ‘Social Distance’ tao cheingei awpa a châ.
3. Department to ta Staff Meeting tlyma, ahri (group) ta hmotaopa tlyma a pahrua tlâ awpa châ vei.
4. PHE Department ta Main Gate su no (2) liata ku sina ama taopa he bie heihpa y hlâ via cha siekhei pazi lymâpa a châ aw.
5. He hleikhô ta Hand Sanitizer nata disinfectant hropazy, mo pakha ta hnei chyu awpa ta eimâ pahnosa.
6. Khôtho lâ chyhsa, Office adaoh khohpazy cha Gate liata ku asi chhyh awpa châ ta, hmaopaky (mask) y leipa ta Office chhôh angia pasaipa châ vei.
7. Office chhôh liata sôhpalie/hmo zua pasaipa châ vei.
8. Khôtho lâ tawhta CEM/Chairman/EMs/Dy. Chairman/Chairman(TC)/Adviser to CEM/Dy. Chief Whip zy, direct ta ahmô pasaipa châ mâh leipa ta, alei thei leipa hmo liata diekua PS/PA zy hnoh ta Telephone ta asaohiah tua awpa a châ aw.
9. Hmo peimawhpa nata lei theileipa hmo tah leipa ta cha Officers nata Staff zy amâ charei awpa châ vei. File deikua abyuhna dâh hawhta Peon zy ta Face Mask apahlypa ta ama siekhei awpa a châ aw.
10. Official hmo peimawhpa liata Telephone nata Emai/WhatsApp Message hmâ pahnai lymâ awpa a châ aw.
11. Department to ta Supervisor hneipa châ sala, Office chhôh liata Face Mask eima hmâ nata hmâ lei ama moh pado tyh aw.
12. Main gate liata chyhsa pa no (2) duty sopa châ aw ta, Face Mask apahly leipa maih cha Rs.100/- (tlaw za kha) ama pacheisa(fine) lymâ aw.
13. Ahyrai Office adaoh kohpa maih ta Notice Board liata Contact nuhby palâsapa liata amâ daoh awpa Department rei ta Telephone ta amâ saohiah tua lymâ awpa a châ.
14. MADC Office nata Compound chhôh liata pachih pachhao chakhyh pasaipa châ leipa ta, apachhao raruahpa cha Rs.300/- (tlaw za thôh) pacheisa(fine) pa a châ aw.
Issued by:-
Information & Publicity Department
Mara Autonomous District Council
Siaha.
