PRESS RELEASE No.5/2021

SIAHA, 22 Nawh, 2021, Chutynoh – Notification No.MADC.11/GAD(DPAR&P)/2018 of 18th January, 2021 bie hawhta atanoh dawh 12:30 Pm liata Puhpa Pachi Hlychho cha Executive Secretary (ES) rai hria awpa ta ES a châ ngâhaipa Puhpa P. Sama tawhta charge a la.

Puhpa P. Sama chata ES thiehpa Puhpa Pachi Hlychho hnoh ta khokheina sâh chaipa  hlâ ta, ES rai he Marasawzy châ ta byhnâ châna peimawh kawpa rai châ ta, office kia noh a châ leipa daihti lia chhao ta adaoh tuhpa nata peimawhpa y tyh ei ta, apiepasaina nata palôhpasinazy peimawh ta, tiama kawpa nata phahnai ngiah kawpa ta hria awpa ta a pasyu.

Puhpa Pachi Hlychho chata biereina chyupa hnei hra ta, a theina hawhta MADC châ nata Mararâh châta hria awpa â chhuah zie a reih; ES rai he mo pakha ta hria thai’pa châ lei ta, MADC ry liata Officer nata Staff zydua ta hriaparaoh awpa apeimawh zie reih ta, hrialâh phapa châ awpa â chhuah zie chhao a reih. Daihti rypaoh tua chaipa liata HoD zy chhao ta hmialâ sie nawpa kyh Meeting aw â chhuah zie reih ta, MADC ry liata Officer nata Staff zydua apha kawpa ta hria lâh awpa ta ahawna nata hruana a tao hra.

He charge ahlâna liata MADC ry liata HoD thokhazy ahlaopa ta ES thiehpa Puhpa Pachi Hlychho hnoh ta khokheina ama hlâ chyu hra.

ISSUED BY:-

Information & Public Relation Department

Mara Autonomous District Council

Siaha.