PRESS RELEASE No.49/2020

Puhpa T.Seido, Laki Biatuh MDC ta a bia tly

SIAHA, 14 Patô, 2020 - Zâhnia liana kha ta Puhpa T. Seido, Laki biatuhpa MDC ta a bia liata khih ypa - Laki, Khôpai nata Âhmyhpi zy tly ta, Chhâmeih, Sahphâ nata chichei hropa chi zy raina a hnei.

Puhpa T. Seido he ta Laki nata Khôpai râh liata Myanmar râhri liata duty pa VLTF zy, ama duty-na suzy tly papua khai ta, pasyuna bie pha kawpa reipa ta sawhkhâ lâ tawhta duty pachhâsa awpa ta bie puapa a y hlâ via cha tiama kawpa ta duty pazao lymâ awpa ta ahawna a tao hra. He hawh ta daihti rairu kawpa eimâ tyh daihti liata a bia a tly thei lymâ vâta a bia zawpizy amâ ly kawpa ta pahnopa a châ.

Atahmâno he MDC zy ta ama bia to liata zawpizy peimawh awpa Chhâmeih, Sahphâ nata chichei hropa chi zy ama rai haino a châ.

Zâhnia liana kha ta Chakhei biatuhpa MDC Puhpa K. Hrahmô, EM i/c Edu. etc. nata Tipa-I biatuhpa Puhpa F. Lawmkima, EM i/c E & F etc. zy chhao ama bia tlypa ta Chhâmeih, Sahphâ etc. Chi zy ama rai chyu hra. 

He ama khi tlyna liata COVID-19 vâta Mararâh liata chakâhna a vaw tlô thei awpa avaina châta zawpi nata mo pakha ta eima tao theipa chyu liata, Khazohpa bie ta miah â hnawpa hawh ta tiama papua chyu awpa nata kô vei avaw pha thei nawpa ta hriapasa apeimawh zie reih ei ta, atahmâ daihti phapa eima hnei chhôh he ta Leipalie, Lyu nata Sahdô zy tiama kawpa ta tao chyu awpa ta ama bia liata zawpizy pasyu ei ta, zikyu amâ râ chyu hra.

Issued by:-

Information & Publicity Department

Mara Autonomous District Council

Siaha.