PRESS RELEASE No.47/2020
SIAHA, 12 Patô, 2020 - Atamy liana kha ECM Local Church: Theiva zy ta MADC CEM’s Relief Fund châta sôh ₹.10,000/- cha Puhpa N. Zakhai, CEM zachhihpa ku liata ama vaw pie.
Atanoh pyly kha ta Lôpu VC-I zy ta ama hlao tawhta ama thyupakhypa ₹.5,250/- cha ama biatuhpa Puhpa K. Chhuabei, EM i/c PWD etc. siepahliepa ta CEM’s Relief Fund châta Puhpa N. Zakhai, CEM zachhihpa Office chamber liata hlâpa a châ hra.
Eima râh nôpaw VC nahzy chhao, ama theina papua lymâ ei ta; zâhnia liana kha ta Amôtlâh MDC bia Joint VC Committee zy ta ama hlao tawhta ama thyupakhypa atlohpakhypa hleikhô ta biatuhpa Puhpa HC. Lalmalsawma Zasai ta thyu baichhi hrapa ta ₹.10,000/- cha CEM’s Relief Fund châta ama vaw pie hra.
Mararâh kyhpachâ tuhpa arâh leilôsawzy ta he hawh ta COVID-19 vâta eima râh liata niebaw aphahlapazy deichhyna châta nata COVID-19 adyuhna châta abyuhna nata ângiahna hawh ta hmâ awpa sôh hluhpi ama vaw thyu vâta, avaw thyu tuhpa zydua hnoh ta CEM zachhihpa Puhpa N. Zakhai ta alynabie a reih.
Issued by:-
Information & Publicity Department
Mara Autonomous District Council
Siaha.
