PRESS RELEASE NO.41/2021 

SIAHA, 17 Thlazoh, 2021 – Atanoh dawh 1:00 PM pa ta CEM’s Conference Hall, MADC Complex liata atakô India Independence Day alyna châta MADC ta lymâ raina a pachhuahpanohpa liata lymâ adaopa zy hnoh ta alykheina programme ahmâpa a châ.

Alykheina Programme he General Administration Department (GAD) nata Department of Personnel & Administrative Reforms (DP&AR) apakaohpa ta pachhuahpanoh ei ta, a ry liata palâsapazy he alykheipa ama châ:-

1. Best Officer Award – 2021 = Puhpa Pachi Hlychho, Executive Secretary, GAD

2. Best Employee Award – 2021 = Puhpa S. Vahro, Assistant Accountant, DP & AR

3. Best Driver Award – 2021 = Puhpa MC. Vanlallawmchhunga, Road Transport Deptt.

He programme liata Puhpa N. Zakhai, CEM zachhihpa cha hrupa châ ta, biereina chyupa a hnei. Puhpa N. Zakhai chata Award adaotuhpazy hnohta alykheina bie a reih khai tawhta pasyupalina bie pha kawpa reih ta, Office akiahpazy ta Office hours chhôh liata dawhkhazie chhôh ma office liata eimâ tyu, tahpazy eimâ mopakia awpa apeimawh tah ta, miah adaohtuhpa nata eima staff zy chhao pahlypa ta chyhsa hropa châta rairuna taotuhpa châ leipa ta, mo hropazy châta byhnâ châ achhuahpa ta rai liata ngâchhih kawpa ta hria chyu awpa ta ahawna a tao.

MADC he sawhkhâ lai viapazy hawhta tao theina hnei hluh vei hrasala zawpi nata Staff zy châta theina zydua papua lymâ â chhuah tah ta, atahmâ MADC 11th Term liata dâh nata phôh 29 tlai pachhuahpanoh ha pi ta, atahmâ he Governor tawhta approval y chiehpa sâ 11 châ Mizoram Gazette liata pua ha ta, a hropazy chhao COVID-19 vâta bâhta vaw hawh via hrasala, a vaw pua awpa a y via.

He dei châ leipa ta Staff zy tlâhlei rairuna daihti liata peimawh kawpa edical Reimbursement (MR) Bill chhao MADC ta pie thei ha bâ pi ta, eimâ ly ngaita. Thla hlao la hawh awpa he eima chi chaipa nata eima khoh lei chaipa a châ; chavâta adaihtita liata la thei lymâ awpa ta atahmâ taihta eima theina rakha liata hmahla lymâpa a châ. He hawhta a châ no ta thla hlao awpa châta ssôh vaw y hra sala, hlao ataotuhpa Cashier nata Staff zy ta ama tao patoh thei lei khiah, hlao a lapatoh thei vei; chavâta Department to liata hlao lâta abuakhei tuhpazy tiama eima papua via awpa apeimawh tahpa ta a reih.

Programme he Puhpa BM. Khaimeichho, Dy. Secy.(DP&AR) ta chhihtha ta, Puhpa K. Teitha, HA, (DP&AR) ta pavaosana thlahchhâna a  hnei. Best Officer Award – 2021 adaotuhpa Puhpa Pachi Hlychho ta Award daotuhpa zydua vyuhpa ta alynabie reina nata biereina chyuhpa daihti a hmâh. Daihti chhâna lâ liata Puhpa HC. Beikhai, Dy. Secy.(GAD) ta  Vote of Thanks reina daihti a hmâh.

He programme liata Puhpa M. Baithai, President, MJA, Siaha nata a hrialâpazy cha hruapa ama châna hawhta amâ hlao thei hra vâta Puhpa BM. Khaimeichho, Chairman ta ama chô liata alynabie a reih.

Atanoh pyly he ta LAD ta ama hrialâpa 2021 Puhpa Laltlana, Best Group “D” Employee Award – 2021 a daopa alykheina daihti cha ama office room liata ama hmâh hra.

ISSUED BY:-

Information & Public Relation Department

Mara Autonomous District Council

Siaha.