RESS RELEASE No.39/2021S

SIAHA, 31 Khihpa, 2021 - Zâhnia târi 30.7.2021, Friday, 1:00-4:00 PM kha ta Chief Executive Member (CEM), MADC ta Siaha khih chhôh liata NGOs nata All Political Parties meeting aw ta, py to vyuhpa ta âki kawpa ta ahlaopa a châ.

He Meeting he ta Mizoram Protocol List (Warrant/Order of Precedence), Gov't of Mizoram ta zâhkô 2020 ta a papuapa chôchâh liata palôtlâh leina Mizoram Chief Minister hnoh ta tlôkheipa cha achatlie thei chaina hawhta tao pathi awpa a châ tahpa bie daopa a châ. 

Mizoram sawhkhâ ta State Protocol List a papuapa lia he ta District Council cha Main Warrant liata a pahlao lei hleikhô ta CEM, Chairman nata Members of District Council zy duahmo a palâsa leipa he pei eima tah. North East India liata State zy ta Sixth Schedule ry liata ADC zy duhmo, â sâh kawpa liata a so no ta, Mizoram chhôh liata District Council zy duahmo sianô kaw leipa ta sopa a châpa he aza leina lai kawpa hawhta eima pachâ vâta kô 2020 Independence Day nata Republic Day 2021 chhao a no-eih ta ahmâpa a vaw châ haw. Atanoh taihta State Protocol List tao pathipa a châ lei vâ he ta hmah la pazao lymâ nawpa dâh reipahmaohpa a châ.  

He meeting lia he ta Mara Thyutlia Py (MTP) General Headquarters, Mara Students’ Organisation (MSO) General Headquarters, Mara Chanô Py (MCHP) General Headquarters vyuhtuapazy nata Siaha District Headquarters liata Indian National Congress (INC), ), Mizo National Front (MNF) nata Bharatiya Janata Party (BJP) vyuhtuapazy hleikhô ta Chairman (MADC), Opposition Leader (MADC) nata Executive Members (MADC) zy amâ hlao.

He hmo he Mizoram Chief Minister hnoh ta 15th August, 2021 hlâ liata miah pasiapa cheingei awpa ta ahawpa châ sala, abyuhpa ta a châ khiah vyuhtuapazy tuapa châsala tahpa a châ. He amâ hawna he ahlao tloh hlâ via cha hmah la pazao lymâ awpa ta pathlupa a châ.

ISSUED BY:-

Information & Public Relation Department

Mara Autonomous District Council

Siaha.