PRESS RELEASE NO.38/2021

SIAHA, 29 Khihpa, 2021 - Mara Autonomous District Council (MADC) Monsoon Session, 2021, noh thôh chhôh ôpa cha atanoh dawh 2:45 PM kha ta Dy. Chairman K. Pawhnie chata noh nata daihti taihpa y khao leipa ta a pachhâsa.

Atakô Monsoon Session liata unstarred question 3 (achhyna ropa ta session table liata sopa chi) nata starred question 23 (paka ta hiahripa nata achhy byuhpa) y ta, atanoh lia kha ta hiahrina nata achhyna zy hnei patlôpa a châ.

Atahmâ Session liata Official Rules & Bills sâ 7 y ta, sâ 6 pass pa châ ta, bill sâkha - (v) The Mara Autonomous District Council (Trading) Bill, 2021 - deikua a bie panano awpa nata taopathi awpa ta paso chypa a châ.

Rules & Bills sâ 6 pass pazy cha he nahzy he a châ:-

1. The Mara Autonomous District Council ( Display of Advertisement and Hoardings) Bill, 2021.

2. The Mara Autonomous District Council ( Market  and Sale Tax ) Bill, 2021.

3. The Mara Autonomous District Council ( Licensing ) Bill, 2021.

4. The Mara Autonomous District Council ( Inheritance of Property ) Bill 2021

5. The Mara Autonomous District Council ( Secretariat) Service Rules,  2021

6. The Mara Autonomous District Council (Engineering) Service Rules, 2021.

Session pathao noh liata a tliata liata eimâ chhaihpa Puhpa J. Rawna (L), Ex-MDC taokheina hneipa a châ.

Atanoh MADC session pachhâ noh lia he ta member 28 liata 24 zy  ahlao thei ei ta,  atahmâ liata Session hneipa he COVID-19 hriiah a charei daihti a châ vâta Siaha District Administrator pahnokheina lapa châ ta, sawhkhâ bie hawhta SOP nata Social Distancing zyna chô siekheipa a châ.

ISSUED BY:-

Information & Public Relation Department

Mara Autonomous District Council

Siaha.