PRESS RELEASE NO.37/2021

 

SIAHA, 27 Khihpa 2021 - Atanoh my dawh 10:30 AM pa ta noh 3 chhôh ô awpa MADC Monsoon Session 2021 cha MADC Session Hall liata Puhpa H. Sahlo, Chairman chhithana ry liata pathaopa a châ.

 

Chairman ta Monsoon Session 2021 avaw hlaopazy hnohta anaohna nata alynabie reina hnei ta, Khazohpa lâ pavaosana a hnei khai tawhta Panel Chairman châta Puhpa T. Seido, Laki biatuhpa nata Puhpa Nahlô Solo, Siaha North - I biahtupa a rao.

 

Atliata liata apahâpa Puhpa J. Rawna (L) Ex-MDC taokheina châta a thâtih chyupa reina Chairman ta hnei ta, Puhpa N. Zakhai, CEM, nata Puhpa Nahlo Solo, Siaha North-I biatuhpa zy ta Puhpa J. Rawna (L) ama pasai leina bie nata ti nata râh châta a vaw hriapasanazy reih ei ta, a siesaipa chhôhkhazy ta Khazohpa tawhta thlalôhna nata ypâna ama to thei nawpa ta khokheina bie a ma reih.

 

Chairman chata COVID-19 hriiah vâta SOP hawhta atyu-duana pananopa a châna kyh liata Member zy pachathaina ahaw ta, Monsoon Session 2021 hnei chhôh liata Session Hall nata recess room lia chhao SOP zyh chyu awpa ta pahnosana a tao.

 

Atahmâ monsoon session liata unstarred question 3 (achhyna ropa ta session table liata sopa chi) nata starred question 23 (pakah ta achhy byuhpa) y ta, atanoh liata sâ 7 hiahrina nata achhyna taopa a châ.

 

Official bills & Rules sâ 7 y ta, atanoh liata introduce khaipa châ ta, mylâ nata hâhno liata pass a chhuahpa a cha hra. Cha nahzy cha:-

 

(i) The Mara Autonomous District Council (Display of Advertisements and Hoardings) Bill, 2021.

 

(ii) The Mara Autonomous District Council (Market and Sale Tax) Bill, 2021.

 

(iii) The Mara Autonomous District Council (Licensing) Bill, 2021.

 

(iv) The Mara Autonomous District Council (Inheritance of Property) Bill, 2021.

 

(v) The Mara Autonomous District Council (Trading) Bill, 2021.

 

(vi) The Mara Autonomous District Council (Secretariat) Service Rules, 2021.

 

(vii) The Mara Autonomous District Council (Engineering) Service Rules, 2021.

 

Atahmâ monsoon session lia he ta tlâhleina nata rairuna hropazy vâta ahlao thei leipa Chairman ta â py kheipa MDC 5 y ei ta, member hropa 23 zy deikua â ki kawpa ta amâ hlao.

 

Atahmâ Session he District Administrator pahno kheina chhao ta Social Distancing nata SOP zypa ta hneipa a châ.

 

ISSUED BY:-

Information & Public Relation Department

Mara Autonomous District Council

Siaha.