PRESS RELEASE No.36/2021

 

SIAHA, 21 Khihpa, 2021, Pakhynoh - Mara Evangelical Church (MEC), Headquarters, Lialaipi Awnano nôpawpazy tawhta ahawna hawhta zâhnia kha COVID-19 hriiah tawhta avaina chhaichhi ary liata palâsapazy he Laki nata Para râhri (India liata Myanmar râhri lôbô na su) liata ahlâpa a châ.

 

1. Testing Kit - 300 Nos.

2. PPE - 50 sets

3. Face mask - 25,000 Nos.

4. Hand Sanitizer (500 ml) - 100

 

He chhaichhi hlâ awpa ta Puhpa JT. Topa, Secretary, CEM's Relief Fund Utilisation Board & Senior Accounts Officer raopa a châna hawhta, ano pôpa ta sie ta, Puhpa Beirôkhu Beitâ, I & PO, MADC nata a staff zy ta ama zi hra. Chhaichhi phao nawpa ta MADC LAD pickup hmâpa a châ. Chhaichhi ahlâ nawpa su rao tuapa Chapi-Pakao râhri cha,  Lialaipi lâ tawhta ama za sie nawpa lâpi, Dawlei tlô chy liata a cho hapa vâta Laki lâ tawhta ahlâpa a châ.

 

Lialaipi lâ tawhta Rev. Dr. Zodau, Executive Secretary i/c Education, MEC Assembly ta leader châpa ta za sie thei hra ta, a nawhta nah pa 8 zy chhao ta bike (Kenbo) sâ 9 hmâpa ta za sie ei ta, Para khih tawhta Puhpa Ngopawzi Paw nata Puhpa Sisi Paw zy ta ama za zi hra. Chhaichhi zydua he Bike he ta ama phaoh khai.

 

Laki tawhta Para pangaina lâpi he apha tu lei vâta MADC vyuhtuapazy mokhei ta deichhy awpa ta MTP Branch: Laki President Puhpa K. Thaichhua nata General Secretary St. Hneilaw Bohia zy hleikhô ta ama Adviser zy ta zi hra ei ta, St. Hneilaw Bohia he ano pickup (Yodha) vaw thyupa ta râhri tai he ta ama zi hra.

 

Laki liata zâpati pahâh kawpa a vaw chhuanoh tuhpa Puhpa L. Zakhu, VCP & Chairman, VLTF Laki nata a chhôhkhazy nata veiseih kawpa ta râhri taihta azituhpa Laki MTP nôpawpazy nata apasai kawpa ta a motor a vaw thyu tuhpa St. Hneilaw Bohia hnoh ta Puhpa JT. Topa nata a hrialâhpazy ta alynabie a ma reih.

 

Myanmar nata India chyhsa zy ta hmo ahlâ awpa a vaw châ vâta Laki liata pheisaih nahzy pasaina la awpa vaw byuh ha ta, he liata avaw buakhei tuhpa Puhpa Puhpa L. Zakhu, VCP, Laki,  St. Hneilaw Bohia, General Secretary, MTP Branch: Laki nata ama hrialâhpazy hnoh ta Puhpa JT. Topa nata a hrialâhpazy ta alynabie a ma reih.

 

Myanmar râh a vaw bua tawhta Lialaipi liata Doctor nata thohna lâ ta a thaipazy cha aboh nawpa ta arâ papua khai ha ei ta, COVID-19 hripipa tawhta avaina châta chhaichhi zy, sawhkhâ tawhta dao awpa a y lei vâta he hawhta MEC nôpawpazy ta MADC lâta avaina chhaichhi deichhy awpa ta July 5, 2021 kha ta ahawna châ daopa châ ta, MADC Executive Committee nata CEM's Relief Fund Utilisation Committee nôpawpazy ta nochhi lâta eima unawh nahzy rairuna amâ tyhpa cha deichhyna rai hria awpa ta vaw pathlupa ta, zâkhahnia kha ta chhaichhi he vaw tlô ta, Puhpa N. Zakhai, CEM, Puhpa MH. Tiabi, EM i/c LAD, nata Puhpa Pachi Hlychho, Executive Secretary zy ta MADC Complex tlyhmia liata a sie awpazy pathliena ama hnei hra.

 

COVID-19 hriiah tawhta avaina chhaichhi chaleina lia ta Rs.3.00 Lakhs daihmâ a chhâpa hawhta, Puhpa JT. Topa, Secretary, CEM's Relief Fund Utilisation Board ta a reih.

 

ISSUED BY:-

Information & Public Relation Department

Mara Autonomous District Council

Siaha.