PRESS RELEASE No.34/2021

SIAHA, 20 Chhiepa, 2021 - Azâhnia Pachynoh kha ta Mara Autonomous District Council (MADC) Environment & Forest (E & F) Department pachhuah panohpa ta "Eco-development Fund under Tokalô Wildlife Sanctuary" tawhta Sanctuary chheipâh liata khih a ypa; Lôpu, Khaikhy nata Supha zy châta Tipâh (Sintex) nata Awh pasa baona raipa a châ. 

Raina Programme he Lôpu khih liata taopa châ ta, sawhkhâ bie (SOP) zyna chô ta he daihti he apachhoh kawpa ta â hmâhpa a châ. Puhpa Vâhmô Chozah, FRO, Tokalô ta daihti chhihtha ta, Machâ B. Rakhu, ECM Lopu Awnano Hyutuhpa ta Abeipa lâta daihti pavaosana hnei ta, Puhpa Thaly T. Azyu, CF, MADC ta pasyupalina bie a rei khai tawhta baona he rai pazipa a châ. 

Beneficiaries zy vyuhpa ta Puhpa HC. Vahnei, VCP, Lopu-III ta alynabie reina a hnei khai tawhta Bei thlachhâna ta daihti pachhâpa a châ. 

Baona he Odyh 24 hnohta Tipâh 1000 ltr. nata KNP Lopu zy ta department lia amâ vaw hiana hawhta 2000 ltr. piepa châ ei ta, Odyh 14 hnohta Awh pasa baona Rs. 25,000 raina hneipa a châ. (Awh baona he advance Rs. 10,000 pie chypa châta ei ta, Awh O ama sa khai tawhta Rs. 15,000 pie heih pa ama châ aw.) 

Eima râh ryusôh Tokalô Wildlife Sanctuary nata Pala Tipo â vaw boh via thei n'awpa heta scheme (APO) liata kôhro lia chhao baona chinano nanopa; Vao baona, Awh baona, Gas Connection, Râhvâ, Mistiri chhaichhi, Pressure cooker, Water tank etc. tao tyhpa châta,  chahleikhô ta kô hro lâ chhao, he baona he rai tyhpa ta a chheipâh khihzy hnohta ahlaohna a ypa zy pahriasa tyhpa châ eita, ama phahnai khei kaw tyhpa a châ.

Târi 18.6.2021 chhao kha ta Baona he Tokalô khih lia raina hneipa châ hra ta, Wetland Fund tawhta Horticulture farmer zy hnohta Kuva nata Rôraw daw 1000 hlei rai pâ hrapa châta, kô 4 chhô (Financial Aid) Forest Department ta a mohôh pazi khei ei.

ISSUED BY:-

Information & Public Relation Department

Mara Autonomous District Council

Siaha.