PRESS RELEASE No.32/2021

SIAHA, 16 Chhiepa, 2021, Pakhynoh - Deputy Commissioner nata Chairman, Siaha District Disaster Management Authority a châpa Puhpa Kesavan R, IAS chata COVID-19 adyuhna liata hmâ awpa ta Siaha District châta Oxygen Concentrators 18 a hiapa cha, a hlao tloh ta, atanoh zâlâ dawh 4:30 PM kha ta Oxygen Concentrator 18 he Siaha a vaw tlô. 

He Oxygen Concentrator zy he Rs. 20.16 (sâkha ta Rs.1,12,000/-) mâpa châ ta, ACT Grants (a not-for profit movement created by the VC and start-up community in India)  nata Swasth Alliance (a not-for- profit Alliance of over 150+ Healthcare organization), New Delhi zy tawhta a hiapapuapa a châ.

Atanoh kha Siaha DC office tlyhmia liata hlâna programme chyupa  hmâpa châ pâ ta, Puhpa Kesavan chata biereina chyupa hnei ta, ACT Grants nata Swasth Alliance, New Delhi zy lâta alynabie reih ta, he khaw chhaichhi he COVID-19 adyuhna kyh liata hrona sôh kawpa pachhapapua nawpa liata hmo phahnai kawpa a châ nahta a hnabeiseih zie reih ta, COVID-19 adyuna châta chhaichhi peimawh hropazy chhao atahmâ he py hropazy lâ hiah ngâhai ta, hlaotlohna hropa chhao eima hmô heih nahta a hnabeiseih zie arei. 

Biereina chyupa a hnei khai tawhta Puhpa Kesavan chata Oxygen Concentrator  sâ 18 zy he Dr. C. Hnichhô, CMO nata Dr .C. Lalrosanga, DMS zy hnohta a hlâ ei. 

He Oxygen Concentrator sâ 18 zy he ary liata palâsapa District Hospital nata Primary Health Care Centres (PHC) zy châta atanoh kha Allotment Order No.B.13022/1/2021-DC(S) of 16th June, 2021 hmâpata Puhpa Kesavan R, IAS, Siaha DC ta rairuahna châ a papua:-

1. District Hospital, Siaha - 10 nos.

2. PHC, Tipa - 2 nos.

3. PHC, Phura - 2 nos.

4. PHC, Chakhei - 2 nos.

5. PHC, Chhaolo - 2 nos.

ISSUED BY:-

Information & Public Relation Department

Mara Autonomous District Council

Siaha.