PRESS RELEASE No.3/2021

SIAHA, 14 Nawh, 2021, Pobienoh – Atanoh kha MADC Executive Committee bie hawh ta MADC ry liata Officer & Staff zydua Siaha khichhôh lâpi pathaina tlâhrai hriapa a châ.

Pathai awpa ta a thao hlâta MADC Main Complex tlyhmia liata pahyna nata thlahchhâna daihti ahmâpa châ ta, Puhpa K. Chhihrau, Executive Secretary i/c ta chhihtha ta, Puhpa P. Tluasa, S.E, (PWD) ta thlahchhâna a hnei. 

Puhpa K. Hrahmô, EM (i/c Edu.), CEM i/c ta biereina chyupa hnei ta, MADC ry liata Local Administration Department ta khihchhôh pathaituhpazy eima hnei tarawpa ta MADC pôpalôhpa hawh ta Siaha khihchhôh lâpi pathaina tlâhrai hria awpa ta Executive Committee ta vaw pathlu ta, he he Swachh Bharat Mission hmahlana hlao patlohna hleikhô ta Marasawzy ta pathaihna eima pachâ peimawh via awpa apeimawhpa vâta MADC ry liata Officer & Staff zy ta hmia sah awpa apeimawh zie a reih.

LAD Staff zy ta tiama kawpa ta MADC Complex chhôh nata Siaha vaih to pathaina rai vaw hria tyh ei ta, zawpi deikua apuapa thy chakhyh pi ta, mydi ta ama pathai khai chhyh hapa cha zâlâ liata a vaw pua hmâ khai heih tyh. Apuapa eima thyna kyh liata asohsi chyu awpa apeimawh zie nata pathaina kyh he Mara zawpi zydua pachâ peimawh awpa ta ahawna a tao khai tawhta atanoh châta tlâhrai “Cleanliness Drive” pahyna a hnei.

He khai tawhta Group sâ 11 pachhaihpa ta Supervisor pa 5 chhihthana ry liata Siaha khichhôh lâpizy pathaina tlâhrai hriapa a châ.

He pathaina tlâhrai he COVID-19 Pandemic daihti a châ vâta District Administration lâ pasaina la tuapa châ ta, sawhkhâ dâh zyna chô ta tlâhrai he hriapa a châ.

ISSUED BY:-

Information & Public Relation Department

Mara Autonomous District Council

Siaha.