PRESS RELEASE No.31/2021

SIAHA, 13 Chhiepa, 2021 - Puhpa K. Chhuabei, EM (i/c PWD, I & PRD, IT wing), MADC ta COVID-19 hripipa vâta a bia liata rairuna atyhpazy mo khei awpa nata thlapalôh awpa ta zâhnia târi 12-6-2021, Pachynoh kha ta â lâh ta a tly.

A bia lia he ta khih sâ 5 y ta, Lôpu, Supha, Miepu nata Vahia zy tly khai ta, Khaikhy deikua motor lâpi PCC Pavement tao ngâhaipa a châ vâta lâpi block chypa châ ta, tly thei leipa a châ.

A bia liata VLFT ôna zydua liata rairu viapazy achâkhei nawpa châta sôh, ary liata palâsapa hawh ta hlâ chyu:-

1. Lopu - Rs. 22,000/-

2. Khaikhy - Rs. 7,000/-

 3. Supha - Rs. 5,000/-

 4. Miepu - Rs. 10,000/-

 5. Vahia - Rs. 17,000/-

He raohpa he ta atakô April & May thlâpâ Total Lockdown chhôh ta niebaw aphahla pathlei awpazy vaina châta VLTF zy siepahliepa ta baona a vaw piepazy sôh chhao VLTF zy hnoh ta a hlâ pâ hleikhô ta VLTF duty zy hmâ awpa Facemask nata Hand Sanitizer zy a hlâ pâ chyu ei. Khaikhy châ deikua Lopu-I VLTF zy ku liata pahniehpa a châ. 

A bia liata VLFT nahzy ta hriapasa kawpa nata tiama kawpa ta ama vaw duty hnolona zydua cha ahrao leipa châ vei tah ta; a bia liata COVID-19 hripipa vâta a vaw duty zydua hnoh ta alyna bie reih ta, VLTF duty nahzy tha patlôna bie pha kawpazy chhao a reih laih hra.

Puhpa K. Chhuabei he ta a bia ôna chhôh liata atakô MBSE ry liata Class-X, First Class liata a pass pa manôh 6 zy hnoh ta alykheina nata hmialâ ama sie lymâ nawpa liata khokheina nata pasyuna châta tlaw Rs.3,000/- chyu a hlâ pâ chyu ei. Cha nahzy cha:-

LÔPU:-

1. HV. Hlybei

S/o HV. Lawhe

2. B. Hraisô

D/o B. Myuthei

3. C. Beibiesa

S/o C. Vabeimotha

MIEPU:-

1. J. Vabeihlaohneithie 

S/o J. Beirua

(Letter in SS, MZ)

VAHIA:-

1. H. Mara Byhnadaosa

S/o H. Beiralua

2. Pity Hlychho

S/o HC. Beichônô

Puhpa K. Chhuabei chata, alykheina châta sôh a hlâpazy cha chynawh kaw hra sala a bia liata achuhaipazy tha pathyuna nata achuna lâpi liata hmahsiena achâ nahta a hnabeiseih zie reih ta, a bia liata achuhaipa zydua hnoh ta chhao achuna pachâ peimawhpa ta tiama papua chyu awpa ta ahawna nata khokheina a hlâ ei.

Puhpa K. Chhuabei he ta Vahia liata RO Office thiehpa sa nawpa châta O hmo chhia hapa (RO Office aduah ngâhaipa kiapâh) cha a su tly ta, mo pasiana a hnei pâ hra.

Puhpa Beirokhu Beita, I & PO nata I & PR Department Staff Puhpa K. Nehemia zy ta Puhpa K. Chhuabei he ama zi.

ISSUED BY:-

Information & Public Relation Department

Mara Autonomous District Council

Siaha.