PRESS RELEASE No.28/2021

SIAHA, 25 Patô, 2021, Hriaheinoh - Mararâh ta COVID-19 hripipa vâta rairuna eimâ tyh ngâhaipa cha thlahchhâ kheina dei châ leipa ta sôh lâ chhao ta baona apasaihpa ta atanoh kha Evangelical Church of Maraland (ECM) Headquarters: Siaha ta CEM's Relief Fund siepahliepa ta COVID-19 adyuh nawpa châta baona sôh Rs.1.00 Lakh (Rupees one lakh) only ama vaw pie.

Baona sôh he Rev. B. Beilua, Moderator ta CEM zachhihpa Puhpa N. Zakhai hnoh ta a hlâ. He baona sôh dao daihti liata Puhpa Pachi Hlychho, Executive Secretary nata Pihnô S. Lalmuanpuii, DS(F&A) zy chhao amâ hlao hra.

Puhpa N. Zakhai, CEM nata a hrialâpazy ta baona sô avaw thyu tuhpa ECM Headquarters hnoh ta Mararâh zawpi vyuhpa ta alynabie ama reih.

Atanoh pyly kha ta ECM Headquarters he ta MTP General Headquarters: Siaha liata COVID-19 adyuhna liata hmâ awpa châta baona sôh Rs.1.00 lakh (Rupees one lakh) only ama pie hra.

ISSUED BY:-

Information & Public Relation Department

Mara Autonomous District Council

Siaha.