Atanoh kha MADC Office khawna Programme hneipa a châ

SIAHA, 18 Di, 2020 - Atanoh kha atakô chhôh châta Mara Autonomous District Council (MADC) ry liata Office zy khawna hneipa a châ.

Office khawna Programme he MADC Executive Committee bie hawh ta Executive Member zy ta ama Department topa (portfolio) chyu liata khawna ahmâkhei awpa tahpa châ ta, CEM nata EM zy ta Department Officer nata Staff zy hnoh ta pasyupalina bie pha kawpa reih chyu ei ta, daihti chhâna lâ liata Zawpi thlahchhâna pahruapa ta kô 2020 chhôh miah chhihtha tuhpa Khazohpa hnoh ta alynabie reina hnei chyupa a châ.

Atakô cha COVID-19 Pandemic vâta kô hro lâ ta tao tyhpa - MADC Main Complex tlyhmia liata Progarmme ahmâ tyhpa - cha tao thai'pa a châ lei vâta he hawhta ryhraona taopa châ ta, hâhkô 2021 pahy daihti lia chhao he hawhta Department chyu liata amâ rypaohna hawhta programme hmâ chyu awpa ta pahnosana taopa a châ.

MADC ry liata Office zy he târi 5 Nawh, 2021 liata Department to ta pahyna Programme ahmâ chyu heih awpa a châ.

CEM nata EM zy ta MADC ry liata Officer nata Staff zy hnoh ta Christmas nata Kôthiehpa alypa nata thapha kawpa ta ahmâ chyu awpa ta khokheina chhao ama hlâ hra.

ISSUED BY:-

Information & Public Relations Department

Mara Autonomous District Council

Siaha.