MADC Winter Session 2020 hnei pathaopa a châ

SIAHA, 17 Phiapi, 2020, Hriaheinoh - Noh 3 chhôh ô awpa Mara Autonomous District Council, Winter Session 2020 cha atamy dawh 10:30 Am liata hnei pathaopa a châ.

He Session he Puhpa K. Pawhnie, Deputy Chairman ta Chairman châpa ta a chhihtha.

Daihti pathao hlâta Chairman ta a raopa Puhpa Nahlô Solo, Siaha North-I (College Vaih-I) biatuhpa ta Khazohpa lâ pavaosana thlahchhâna a hnei. 

Puhpa T. Seido, Laki biatuhpa nata Puhpa L. Khaichyu, Siata biatuhpa zy cha Chairman ta Panel Chairman châta a rao ei.

Siaha North-I (College Vaih-I) MDC bia by-election liata atly patloh thiehpa Puhpa Nahlô Solo, MDC cha House liata aly pangiana hneipa châ ta, member zydua vyuhpa ta Puhpa N. Zakhai, House Leader ta alypangiana ku chachâh lâ hlâna a hnei. 

Atahmâ session liata Unstarred Question sâ 5 nata Starred Question sâ 23 y ta, noh 3 chhôh liata patlô awpa ta patohpatiapa a châ.

Atakô Winter Session liata Rules phawpazy:-

1. The Mara Autonomous District Council (Finance and Accounts) Service Rules, 2020.

2. The Mara Autonomous District Council (Ministerial) Service Rules, 2020.

3. The Mara Autonomous District Council (Agriculture and Horticulture) Service Rules, 2020.

4. The Mara Autonomous District Council (Land Survey Group A, B and C Posts) Recruitment Rules, 2020.

MADC Winter Session 2020 he my dawh 10:00 Am – 4:00 Pm chhôh ta hnei awpa châ ta, dawh 1:00 Pm – 2:00 Pm he Recess daihti châta hmâpa châ ta, he Session hnei daihti chhôh liata Local Cable TV Providers - NSV nata HSV siepahliepa ta Live ta mo thei awpa ta piepapuapa a châ.

A noh khana atanoh châta apalâ kawpa ta hnei patlôpa châ ta, mylâ târi 18 Phiapi, 2020, Pakhynoh liata hnei pazaopa a châ aw; hânoh târi 19 Phiapi, 2020, Pobienoh liata hnei patlô awpa ta hnabeiseihpa a châ.

ISSUED BY:-

Information & Public Relations Department

Mara Autonomous District Council

Siaha.