NO.MADC./CEM/PB/PR.2020/01

CHIEF EXECUTIVE MEMBER’S PERSONAL BRANCH

Dated Siaha, the 27^th, March, 2020

PRESS  RELEASE

                        Tahmahlâ eima râh lia dei châ leipa ta khizaw ta abuakhei haipa Pasana hri chi chhihpa Novel Coronavirus (Covid - 19) tawhta avai awpa apeimawhpa vâta Janata curfew, noh 21 chhôh Lockdown - phuahpazy châ ta; alei theileipa nata apeimawh leipa ta ahy hmâh ta pua-ei khao leipa ta Office chhao khaw khaipa a châ. He kyh liata Mara râh zawpizy ta pahno thaipa nata rei ngiapa ta Sawhkhâ dâh nata phôh eima zyh pha kawpa ta alâ ta, Sawhkhâ nata NGO – zy hria paraohna chhao apha ngaita hra. Mara zawpi nata Official – rai hriatuhpa zydua palôh hmeiseihpa ta alyna bie ei chahlâ ei.

                        He Covid-19 adyuh n’awpa kyh liata Sawhkha ta ryhraona ataopa nata pachhuahpanohpazy he eima zydua pha n’awpa nata aboh n’awpa a châ tahpa chhao he eima my awpa châ leipa ta, eima zyh pha via lymâ awpa tlao a châ. Athaipazy reizie ta cha Covid -19 hri he chatlie kaw hrasala, avai theipa nata patlâh theipa chhao a châ hra. Chavâta Sawhkhâ ta tao awpa maniah a tahpazy tao ta, eima zy lyh lia awpa he apeimawh ngaita.

                        Marasawzy rairuna mokheita pathlâ lymâ awpa ta MADC chhao ta anah khâ pachôh ta, thlai â pie lymâ hra. Eima District liata Sawhkhâ Official – hropazy, NGO, State nata Central sawhkhâzy chhao asaohiah lymâ pa ta a theina zydua apapua hai hra. Bao angiahpa nata deichhy angiahpazy chhao mokhei lymâ ta, thlai ta pathlâ khei lyma awpa he khatino raita âpachy ta, atao lymâ hra. Eima râh chhithatuhpa, MDC zydua chhao ta ama Bia chyu liata rairuna mokhei ta, pathlâ khei lymâ awpa ta amâ pachhuahpanoh chyu hra. Chadei châ leipa ta chyhsa ku riaphapa nata NGO – zy chhao ta he hawhpa daihti liata ama theina zydua ama papua hai hra. Marasawzy he Chi-pho chyh kawpa châ hra ei sihla, Abeipa ta eima chhâh khâ maniah a châ tyh. Kyhpachâna nata saiheinazy chhao keimo liata khâ atu thlâh hrapa a châ. Chavâta niebaw nata abu-asaina kyh liazy ta nôpo pachârôh awpa y leipa ta, rairuna hmeiseihpa chhao eimâ tyh hraohna ta pangiasa achhih vei. Covid-19 pasana he Central sawhkhâ chhao ta pachâ peimawh ngaita hra ta; zawpizy ama rairuna thlaita amokhei lymâ hra.

                        He pasana hri vâta Marasaw rairuna ahneipazy cha a thlâchhie leipa ta thlai apahnosa ta, a deichhy chyu awpa ta ei châ haw ei.

Sd/ Syuhlo Beichakhei Mara

Private Secretary to Chief Executive Member

Issued by CEM’s Personal Branch on behalf of Hon’ble Chief Executive Member, MADC,Siaha