PRESS  RELEASE

No.132/2020

SIAHA, 17 Thlarâh, 2020 – Atamy dawh 7:30 Am pa liata Puhpa Narendra Modi, Prime Minister of India, kô 70 a tlohna Birthday âtheithlâhna nata ngiana châta 'Seva Saptah’ Tree Plantation Drive hneipa châ ta, he liata Puhpa N. Zakhai, CEM, MADC zachhihpa â hlao hra.

Programme he Bharatiya Janata Yuva Morcha (BJYM), Youth wing of BJP, Siaha District zy pachhuahpanohpa châ ta, CEM's Bungalow tlyhmia, Siaha liata ahmâpa a châ. 

Pihnô Thluakho Solo, President, BJYM, Siaha District ta Programme he chhihtha ta, Puhpa N. Zakhai, CEM ta Puhpa Modi thâtih chyupa reina hnei ta, cha khai tawhta Puhpa M. Laikaw, BJP President ta biereina chyupa a hnei.

Programme chyupa ahmâ khai tawh he ta CEM's Bungalow Compound chhôh liata CEM, EMs, BJP President nata Party lâ tawhta hrialâhpazy chhao ta Puhpa Narendra Modi, Prime Minister of India kô 70 a tlohna Birthday âtheithlâh nawpa nata ngiana châta thodaw sâkha sai ama loh.

Indian Prime Minister a chângâhaipa Puhpa Narendra Modi he târi 17 September, 1950 pa ta Vadnagar, Bombay State, India (present-day Gujarat) liata vaw pih ta, atanoh târi 17 September, 2020 he kô 70 a tlohna noh avaw châ. Puhpa Modi he târi 26 May 2014 tawh khata 14th Prime Minister of India vaw châ ta, Varanasi Constituency tawhta atlyhpatlohpa a châ.

ISSUED BY:-

Information & Public Relations Department

Mara Autonomous District Council

Siaha.