PRESS RELEASE

NO.11/2025

SIAHA, 28 Nawh, 2025, Hriaheinoh – Atanoh dawh 1:00 PM kha ta Pihnô Lalrinpuii, Hon’ble Minister i/c Health & Family Welfare, Social Welfare & Tribal Affairs etc., Mizoram ta Mara Autonomous District Council (MADC) Office tly ta, Chief Executive Member (CEM) Puhpa M. Laikaw nata a hrialâhpazy ta amâ vaw ly.

Health Minister zachhihpa Pihnô Lalrinpuii he CEM’s Conference Hall, MADC Complex liata apakyhna hneipa a châ.

He daihti liata Pihnô Lalrinpuii chata MADC hyutuhpazy cha Kôthieh Anaohna hlâ ta, MADC nôpawpazy cha Siaha District zawpizy châta thapi phiakhei awpa ta a hrua ei. Siaha District chhôh liata a Department topa project nano nanopa hmahlanazy nata tao awpa ama hnei chypazy palâsapa ta, hmahsiena ryutlohpa tlôkheituhpa a châ cheingei nahta a hnabeiseih zie a reih. Ama peimawhpazy a theina hawhta vaw pachâkhei awpa nata hmahlakhei lymâ â chhuah zie chhao reih ta, Project ama pangia awpazy chhao a theina hawhta â laichadaipazikhei lymâ aw ei tahpa chhao a chho pâ reih hra ei.

He daihti liata Puhpa M. Laikaw chhao ta biereina hnei ta, kôthiehpa 2025 liata MADC a tly tua chaipa Minister a châpa vâta alynabie reih ta, chipho nata râh châta apha kawpa ta hrialâh awpa ta a hrua.

Puhpa M. Laikaw, Hon’ble CEM chata a bieraina liata Siaha District ta a peimawh nano nanopazy palâsa ta, District Hospital liata Doctor nata Nurse adaih leina kyh zy, ICU function theileipa ta a ypa zy, M.CH.P. Opi Drop-in Centre zy nata De-addict Center/rehabilitation Centre padua awpazy hleikhô ta peimawhpa nata ângiah hropazy reikheipa ta hmahlakhei awpa ta ahaw ta, Siaha District châta thei phapa pathei papuapa ta hmahsiena khochhih kawpa a tlôkhei cheingei nahta a hnabeiseih zie a reih.

He daihti he Puhpa M. Laikaw, Hon’ble CEM hleikhô ta Executive Member zy nata MDC zy chhao ta apakyhna hnei ei ta, Siaha District chhôh liata Department a topa ry liata Project nano nanopazy reikhohpa ta Project asie ngâhaipazy apatoh thei chaina hawhta tao patlôpa châsala tahpa reih ei ta, Siaha District hmahsiena awpa nano nanopazy reikhôhpa châ ta, hmahsiena chhao âraohâh kawpa ta rairuahpa a châ thei nawpa ta reikhohna daihti pha kawpa hmâpa a châ. 

ISSUED BY:

Information & Publicity Department

Mara Autonomous District Council

Siaha.